Aðalvarðstjórar – Sérsveit ríkislögreglustjóra

20 Janúar 2015 04:38
Síðast uppfært: 15 Mars 2015 klukkan 04:39

Auglýsing nr. 43/2014

Við embætti ríkislögreglustjóra eru lausar til umsóknar  tvær tímabundnar stöður aðalvarðstjóra í sérsveit. Starfsstöð er að Skúlagötu 21, Reykjavík.  Ríkislögreglustjóri setur í stöðurnar frá og með 6. ágúst 2014, í aðra stöðuna til og með 31. maí 2015 en hina til og með 30. júní 2015.

Umsækjendur skulu hafa lokið prófi frá Lögregluskóla ríkisins og vera starfandi í sérsveit ríkislögreglustjóra og er æskilegt að þeir hafi 5 ára starfsaldur í sérsveit. Umsækjendur þurfa að hafa haldgóða þekkingu á sérsveitarmálefnum. Reynsla af stjórnun er æskileg. Góðir hæfileikar til mannlegra samskipta, skipulagshæfileikar, frumkvæði, nákvæmni í vinnubrögðum og færni til að leiða hóp eru mikilvægir eiginleikar.

Umsóknum skal skilað til ríkislögreglustjóra, Skúlagötu 21, 101 Reykjavík, en umsóknarfrestur er til og með 8. júlí nk.  Guðmundur Ómar Þráinsson aðstoðaryfirlögregluþjónn veitir nánari upplýsingar um starfið í síma 444-2500.

Ráðningakjör eru skv. kjarasamningi Landssambands lögreglumanna og fjármálaráðherra f.h. ríkissjóðs.  Starfshlutfall er 100%. Ríkislögreglustjóri setur í stöðurnar. Umsóknir sem berast eftir að umsóknarfresti lýkur verða ekki teknar til greina.  Öllum umsóknum verður svarað þegar ákvörðun um setningu hefur verið tekin.

Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is undir liðnum „eyðublöð“.

Reykjavík, 20. júní 2014.

Ríkislögreglustjórinn