Nokkur erill var hjá lögreglunni á Vestfjörðum í tengslum við hátíðan Aldrei fór ég suður um liðna helgi.  Margir gestir komu á hátíðina og einnig komu margir á skíði. 

Umferðin vestur gekk vel og án óhappa, þó var bensínfóturinn nokkuð þungur hjá sumum og voru 31 ökumenn stöðvaðir fyrir of hraðan akstur,  bæði á leið suður og vestur. Akstursskilyrði á gær annan í páskum voru mjög slæm og færð ekki góð og urðu 5 umferðaróhöpp á Djúpvegi, talsverðar skemmdir urðu á ökutækum, en ekki slys á fólki.   Margir sem á ferðinni voru, voru illa búnir til aksturs í vetrarfærð, búnir að skipta yfir á sumardekkin, þurfti því að aðstoða marga vegfarendur á leiðinni um Ísafjarðardjúp, Steingrímsfjarðarheið og um Þröskulda, kallaðar voru út björgunarsveitir frá Hólmavík og Reykhólum til aðstoðar ásamt lögreglu.

Um helgina komu upp 6 fíkniefnamál þar af tengdust 3 hátíðinni Aldrei fór ég suður.  Um lítið magn fíkniefna var að ræða í þessum málum.

Lögreglan á Vestfjörðum fékk til rannsóknar meint kynferðisbrot sem talið er hafa átt sér stað í heimahúsi aðfaranótt 8. apríl sl.   Einn aðili var handtekinn að morgni þessa dags.  Hann hefur verið yfirheyrður vegna málsins.  Málið er til rannsóknar hjá rannsóknardeild lögreglunnar á Vestfjörðum.

Lögreglan hafði afskipti fólki sem gisti í nokkrum sumarhúsum í Tunguskógi um helgina, en eins og kunnugt er, er bönnuð næturdvöl í húsunum fram að 15. apríl.  Skýrsla um málið verður send viðkomandi bæjarfélgi.