Oft vakna upp spurningar hjá foreldrum, jafnt sem öðrum, um vímuefni, ofbeldi, einelti eða annað sem tengist umhverfi barna og ungmenna. Ekki er alltaf ljóst hvert hægt er að leita eftir svörum við spurningum eða jafnvel aðstoð. Hjá lögreglunni er til staðar þekking og reynsla sem oft getur komið að góðum notum en einnig er hægt að leita til margra aðila sem hafa sérþekkingu á þessu sviði. Hér eru upplýsingar um nokkra aðila hjá lögreglu og annarsstaðar sem veitt geta nánari upplýsingar eða aðstoð.

Unglingaráðgjafar Félagsþjónustunnar í Reykjavík starfa á öllum borgarhlutaskrifstofum þeirra. Þar er hægt að fá margskonar upplýsingar um málefni barna og ungmenna t.a.m. hvað varðar stuðning og þau úrræði sem eru í boði. Hjá borgarhlutaskrifstofunum er hægt að panta viðtalstíma hjá ráðgjöfum eða fá upplýsingar símleiðis hjá vakthafandi ráðgjafa. Borgarhlutaskrifstofurnar fyrir Grafarvog er í Fjölskyldumiðstöðinni Miðgarði s. 545 4500, Grafarholt, Árbær og Breiðholt sækja þjónustu í Álfabakka 12 s. 535 3300, Austurborgin sækir þjónustu á Suðurlandsbraut 32 s. 535 3200, Miðborgin sækir þjónusta á Skúlagötu 21 s. 535 3100 og fyrir Vesturbæinga þá er það Vesturgarður sem er fjölskyldu- og skólaþjónusta við Hjarðarhaga 45-47 s. 535 6100. Frekari upplýsingar er að finna á www.felagsthjonustan.is.

Á Heilsuverndarstöðinni við Barónsstíg 47 er rekin Fjölskyldumiðstöð vegna barna í vanda. Þar er foreldrum veittur stuðningur og ráðgjöf vegna vímuefnaneyslu barna. Miðstöðin er opin mánudaga, þriðjudaga og miðvikudaga frá 14:00-18:00. Hægt er að ná sambandi við ráðgjafa í síma 511 1599 en einnig fást nánari upplýsingar á heimasíðu miðstöðvarinnar.

Heimili og skóli eru landssamtök foreldra barna og unglinga í grunn- og framhaldsskólum. Markmið samtakanna er að vinna að bættum uppeldis- og menntunarskilyrðum barna og unglinga og bættum hag fjölskyldna. Á skrifstofu samtakanna að Laugavegi 7, sími 562 7475, eru veittar upplýsingar og ráðgjöf á sviði skóla, uppeldis- og menntamála. Hægt er að senda póst til samtakanna eða kynna sér þau nánar á heimasíðu þeirra


Ø Börnum og ungmennum stendur til boða áfengis- og fíkniefnameðferð hjá SÁÁ. Vikulega eru haldnir stuðningsfundir fyrir ungt fólk á aldrinum 14-22 ára og er móttaka og skráning á göngudeildinni í Reykjavík á mánudögum kl 17:20. Nánari upplýsingar er einnig hægt að fá í síma 530 7600 eða á heimasíðu samtakanna.

Ø Vímulaus æska veitir börnum og foreldrum ýmiskonar ráðgjöf og aðstoð. Foreldrar og fagfólk svara foreldrasímanum 581 1799 allan sólarhringinn en einnig er hægt að fá ráðgjöf frá foreldrum í símum 511 6160 og 511 6161 alla virka daga frá kl. 9:00-16:00. Heimasíða Foreldrahússins er: www.foreldrahus.is eða www.vimulausaeska.is.

Rauðakrosshúsið er athvarf fyrir börn 18 ára og yngri. Athvarfið er opið allan sólarhringinn á Tjarnargötu 35, síminn er 562 2260. Trúnaðarsíminn er 800-5151 og er opinn frá 12 á hádegi til 12 á miðnætti.

Götusmiðjan. Meðferðarheimilið Árvellir. Fyrir (14)16-20 ára. Innlagnir fara í gegnum Félagsþjónustuna/Barnavernd. Upplýsingar er hægt að fá í síma 566 6100.