Auglýsing nr. 14/2010

Ríkislögreglustjóri óskar eftir að ráða starfsmenn með háskólapróf til rannsókna á skatta- og efnahagsbrotum. Í starfinu  felst m.a. rannsókn á bókhaldi, þ. á m. ritun skýrslna og ýmiss konar gagna- og upplýsingaöflun og úrvinnsla þeirra.

Ríkislögreglustjóri ræður í stöðurnar til reynslu í sex mánuði, frá og með 1. ágúst 2010, með möguleika á framlengingu.

Háskólapróf í viðskiptafræði / hagfræði, viðskiptalögfræði eða sambærileg menntun er áskilin. Umsækjandi þarf að eiga auðvelt með mannleg samskipti, vera talnaglöggur, skipulagður, nákvæmur og áreiðanlegur. Æskilegt er að umsækjendur hafi starfsreynslu sem komið geti að notum t.d. af rekstri fyrirtækja, bókhaldi, skattskilum, fjármálamarkaði eða öðrum sviðum sem tengjast starfssviði efnahagsbrotadeildar.

Nánari upplýsingar veitir Helgi Magnús Gunnarsson saksóknari í síma 444 2500.  

Umsóknarfrestur er til og með 10. júlí nk. Ráðningakjör eru samkvæmt kjarasamningi fjármálaráðherra og viðkomandi stéttarfélags. Starfshlutfall er 100%. Öllum umsækjendum verður svarað þegar ákvörðun um ráðningu hefur verið tekin.

Umsóknum með upplýsingum um menntun, fyrri störf og annað sem skipt getur máli, skal skilað til embættis ríkislögreglustjóra, Skúlagötu 21, 101 Reykjavík.

Reykjavík, 21. júní  2010

Ríkislögreglustjórinn