7 Mars 2016 15:33
Vikan var með rólegara móti hjá lögreglu og engin alvarleg mál sem upp komu. Skemmtanahald helgarinnar gekk með ágætum og lítil afskipti af gestum öldurhúsanna.
Ein eignaspjöll voru tilkynnt lögreglu í liðinni viku en um var að ræða rúðubrot í skrifstofum VR v/ Strandveg. Talið er að rúðan hafi verið brotin aðfaranótt 5. mars sl. Ekki er vitað hver þarna var að verki en þeir sem telja sig vita hver þarna var á ferð eru vinsamlegast beðnir um að hafa samband við lögreglu.
Alls liggja fyrir 10 kærur vegna brota á umferðarlögum eftir vikuna en um er að ræða fimm kærur vegna vanrækslu á að hafa öryggisbelti spennt í akstri og fimm kærur vegna ólöglegara lagninga ökutækja.