Hraðakstur á Hafnarfjarðarvegi í Garðabæ

25 Október 2017 10:00
Síðast uppfært: 25 Október 2017 klukkan 10:00

Brot 217 ökumanna voru mynduð á Hafnarfjarðarvegi í Garðabæ á mánudag. Fylgst var með ökutækjum sem var ekið Hafnarfjarðarveg í suðurátt, við Arnarnesveg. Á einni klukkustund, eftir hádegi, fóru 984 ökutæki þessa akstursleið og því ók rúmlega fimmtungur ökumanna, eða 22%, of hratt eða yfir afskiptahraða. Meðalhraði hinna brotlegu var 95 km/klst en þarna er 80 km hámarkshraði. Tuttugu og sjö óku á 100 km hraða eða meira en sá sem hraðast ók mældist á 115.

Vöktun lögreglunnar á Hafnarfjarðarvegi er liður í umferðareftirliti hennar á höfuðborgarsvæðinu, en þess má geta að skýjað og rigning var á með hraðamælingunni stóð.