Hraðakstur á Kringlumýrarbraut í Reykjavík

26 September 2017 17:21
Síðast uppfært: 26 September 2017 klukkan 17:21

Brot 162 ökumanna voru mynduð á Kringlumýrarbraut í Reykjavík í dag. Fylgst var með ökutækjum sem var ekið Kringlumýrarbraut í suðurátt, að N1 Fossvogi. Á einni klukkustund, eftir hádegi, fóru 1.540 ökutæki þessa akstursleið og því óku allmargir ökumenn, eða 11%, of hratt eða yfir afskiptahraða. Meðalhraði hinna brotlegu var 96 km/klst en þarna er 80 km hámarkshraði. Þrjátíu og þrír óku á 100 km hraða eða meira en sá sem hraðast ók mældist á 126.

Vöktun lögreglunnar á Kringlumýrarbraut er liður í umferðareftirliti hennar á höfuðborgarsvæðinu.