Hraðakstur á Suðurlandsvegi

14 Febrúar 2018 10:02
Síðast uppfært: 14 Febrúar 2018 klukkan 10:02

Brot 5 ökumanna voru mynduð á Suðurlandsvegi í gær. Fylgst var með ökutækjum sem var ekið Suðurlandsveg í norðurátt, á móts við Hádegismóa. Á einni klukkustund, eftir hádegi, fóru 329 ökutæki þessa akstursleið og því óku hlutfallslega mjög fáir ökumenn, eða 2%, of hratt eða yfir afskiptahraða. Meðalhraði hinna brotlegu var 92 km/klst en þarna er 80 km hámarkshraði.

Vöktun lögreglunnar á Suðurlandsvegi er liður í umferðareftirliti hennar á höfuðborgarsvæðinu, en þess má geta að snjókoma með köflum og krapi var á meðan hraðamælingunni stóð.