Lögreglumenn – Lögreglustjórinn á Vesturlandi

24 Mars 2015 12:34
Síðast uppfært: 24 Mars 2015 klukkan 12:45

24. mars 2015

Við embætti lögreglustjórans á Vesturlandi eru lausar til umsóknar tvær stöður lögreglumanna, með starfsstöð á Snæfellsnesi

Gert er ráð fyrir að skipað verði í stöðurnar, til 5 ára, frá og með 1. júní 2015. Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur sérstaklega hvattar til þess að sækja um. Nánari upplýsingar veitir Jón S. Ólason yfirlögregluþjónn í síma 444-0305.

Umsóknarfrestur er til og með 10. apríl nk. og skal umsóknum skilað til Jóns S. Ólasonar yfirlögregluþjóns, Lögreglustöðinni, Þjóðbraut 13, 300 Akranesi eða á tölvupóstfangið jon.s.ola@logreglan.is .

Ráðningarkjör eru skv. kjarasamningi fjármálaráðherra f.h. ríkissjóðs og Landssambands lögreglumanna. Starfshlutfall er 100%.

Um er að ræða vaktavinnu þar sem unnið er eftir svonefndu 5-5-4 kerfi.  12 tíma vaktir og bakvakt 12 tíma.

Færni í mannlegum samskiptum, góðir skipulagshæfileikar, frumkvæði, vandvirkni og nákvæmni í vinnubrögðum sem og hæfni til að starfa í hóp eru nauðsynlegir eiginleikar. Góð staðarþekking er kostur. Umsækjendur skulu hafa lokið prófi frá Lögregluskóla ríkisins.

Umsóknir, sem berast eftir að umsóknarfresti lýkur, verða ekki teknar til greina. Öllum umsóknum verður svarað þegar ákvörðun um skipun liggur fyrir. Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is undir liðnum eyðublöð.