Frá lögreglustöðinni á Hverfisgötu 113-115 í Reykjavík (lögreglustöð 1) er sinnt verkefnum í stórum hluta borgarinnar (Vesturbær, Miðborg, Hlíðar, Laugardalur og Háaleiti) og á Seltjarnarnesi. Þar eru bæði almennt svið (sólarhringsvaktir-útköll) og rannsóknarsvið.
Helstu stjórnendur eru Ásmundur Rúnar Gylfason aðstoðaryfirlögregluþjónn, Erna Dís Gunnarsdóttir aðalvarðstjóri, Unnar Már Ástþórsson aðalvarðstjóri , Guðmundur Páll Jónsson lögreglufulltrúi og Guðmundur Pétur Guðmundsson lögreglufulltrúi.
Íbúar á þessu svæði njóta eins og aðrir íbúar á höfuðborgarsvæðinu þjónustu öflugra rannsóknardeilda og tæknideildar lögreglunnar á höfuðborgarsvæðinu þegar kemur að rannsóknum stærri og flóknari sakamála. Þá er umferðardeild embættisins sýnileg við almennt umferðareftirlit.
Sólarhringslöggæsla er á höfuðborgarsvæðinu alla daga ársins. Ef óskað er eftir skjótri aðstoð lögreglu ber að hringja í 112.
Netföng: asmundur.runar@lrh.is – erna@lrh.is – unnar.astthorsson@lrh.is – gudmundur.pall@lrh.is – gudmundur.petur@lrh.is
Opið er frá kl. 8.15-16 í móttöku/afgreiðslu þjónustudeildar Lögreglunnar á höfuðborgarsvæðinu á Hverfisgötu 115 í Reykjavík, nema föstudaga þegar opið er 8:15-12.
Þessa dagana eru gæsirnar að vappa um, soltnar eftir flugtúr og kannski tímamismunin líka.
Förum varlega og sýnum þessum fiðruðu vinum okkar þolinmæði.
Góða helgi frá okkur sem erum á vaktinni.
38 CommentsComment on Facebook
Svo rölta þær yfir göturnar í rólegheitum því það er svo dýrt að fljúga innanlands!😉
Borgargæsir halda til hér á veturna, sennilega um 2000 stk. Margar verða fyrir bíl. Takk fyrir að minna ökumenn á að aka varlega. Mikilvægt að setja upp fleiri skilti sem minna á fuglana sérstaklega um varptímann .TAKK
Eru þær ekki hættar að fara héðan, sé þær hér allan veturinn
Ég þurfti að stoppa báðar suðurreinarnar (brautirnar í bæinn) á Vesturlandsveginum við Bauhaus í fyrra. 2 gæsir að rölta yfir með 10 - 15 unga. Ég var ekki beint lögguleg í háhæluðum skóm og síðum kjól. Að vísu allt æpandi bleikt, - sem hjálpaði til.
Sæt saga sem ég varð að deila með ykkur. Maðurinn minn var á leiðinni í vinnuna snemma í morgun og þá var gæsahópur á leið yfir Hringbrautina á móts við Njarðargötu í átt að Hljómskálagarðinum. Kannski á leið í sína vinnu, hver veit. En allavegana ein í hópnum var ekkert að flýta sér heldur lagðist bara niður á miðja götuna. Sem betur fer var lítil umferð enda klukkan ekki nema rúmlega sex en maðurinn minn þurfti að bregða sér út úr bílnum og biðja hana, gæsina, góðfúslega að leggja sig annars staðar. Meðfylgjandi er mynd sem ég fann á vefnum en það hefði nú verið gaman ef Siggi hefði smellt einni mynd af þessu.
Á stóru heimili þarf að gera klárt fyrir sumarið - þar á meðal er þjálfun þeirra sem munu sinna störfum á lögreglumótorhjólum. Starf mótorhjólalöggu er nefnilega flóknara en margir telja - snýst um meira en vera glæsileg og til fyrirmyndar á skínandi mótorfák! Raunar er það eitt hættulegasta starf innan lögreglu og því mikilvægt að þjálfun sé regluleg og vönduð.
Á dögunum var haldið nýliðanámskeið fyrir þau starfsréttindi að fá að aka lögreglumótorhjóli. Námskeiði sátu 6 lögreglumenn og stóðu sig afar vel eins og sjá má á myndbandinu. Námskeiðið spannar 6 daga og er afar fjölbreytt - stöðvun ökutækja, fylgdarakstur, neyðarakstur og margt fleira.
Við óskum þessu nýja bifhjólafólki okkar góðs gengis í störfum sínum og biðjum ykkur um að vinka þeim með brosi þegar þið sjáið þau í umferðinni.
20 CommentsComment on Facebook
Eru 6 dagar alveg nóg til þess að læra neyðarakstur og fylgi akstur á mótorhjóli? Mér finnst þetta tiltölulega lítill tími til þess læra undir "hættulegasta" starf innan lögreglunnar?
hvenar er svo námskeiðið í mannlegum samskiptum ? virðist oft sem sumir hafi ekki hlustað á þeim námskeiðum
Congratulations, this is how you drive a police motorcycle.
Glæsilegt. Ég er ekki viss um að ég næði þessum keilum á minni flottu hondu shadow. Grunar nú að löggu hjólin séu mikið liprari 😎 en það er nauðsinlegt að halda sér í góðri æfingu 👌
Skemmtilegasta starf í heimi….
Eins og sólin er nú yndisleg - þá þyngist stundum bensínfótur ökumanna þegar sumarið fer að nálgast.
Minnum ökumenn á að passa ökuhraða.
Annars góð bara.
24 CommentsComment on Facebook
Ég væri til í að sjá ykkur taka fólk í hæfnispróf... það eru æði margir vanhæfir í umferðinni, þá meina ég fólk sem ræður ekki við að halda umferðarhraða 💥 það er oftar en ekki hættulegasta fólkið.
Ég er ánægð með hvað lögreglan hefur verið sýnileg síðustu 2-3 vikur hér á höfuðborgarsvæðinu og á suðurlandi.
Lögreglan á höfuðborgarsvæðinu Á það ekki einnig við um ykkur? Oft sé ég ykkur keyra á 20-30 yfir hámarkshraða, til dæmis á gullinbrúnni þar sem er 60 hámarkshraði en aldrei séð ykkur keyra undir 80 þar, En samt sektið þið mig keyrandi þar á 70 sem er alveg úti hött. 🫡
Er ekki hægt að hækka hámarkshraðann 🤠👌
Eitthvað er verulega mikið að. Bílarnir verða betri og betri (nánast sjálfkeyrandi), hraðinn minnkar og minnkar, vegirnir betri og betri, kröfurnar um réttindi og þjálfun eykst og eykst..... samt er nánast eins og ca annar hver kunni alls ekki að keyri þegar maður fer út í umferðina í dag, og þá er ég ekki að tala um ferðamennina. Það skyldi þó ekki hafa eitthvað með símana að gera🤔
