Lögreglumaður – Lögreglustjórinn á Vestfjörðum

6 Júlí 2015 15:28
Síðast uppfært: 6 Júlí 2015 klukkan 15:28

Við embætti lögreglustjórans á Vestfjörðum er laus til umsóknar ein staða lögreglumanns, með starfsstöð á Hólmavík.

Gert er ráð fyrir að skipað verði í stöðuna, til 5 ára, frá og með 1. ágúst 2015. Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur sérstaklega hvattar til þess að sækja um. Nánari upplýsingar veita Hlynur Hafberg Snorrason yfirlögregluþjónn í síma 444 0404, Jónas Sigurðsson aðstoðaryfirlögregluþjónn í síma 444 0433 eða Hannes Leifsson, aðalvarðstjóra á Hólmavík, í síma 444 0421.

Umsóknarfrestur er til og með 22. júlí nk. og skal umsóknum skilað til lögreglustjórans á Vestfjörðum, Hafnarstræti 1, 400 Ísafirði eða á tölvupóstfangið vestfirdir@logreglan.is
Ráðningarkjör eru skv. kjarasamningi fjármálaráðherra f.h. ríkissjóðs og Landssambands lögreglumanna. Starfshlutfall er 100%.

Færni í mannlegum samskiptum, góðir skipulagshæfileikar, frumkvæði, vandvirkni og nákvæmni í vinnubrögðum sem og hæfni til að starfa í hóp eru nauðsynlegir eiginleikar. Góð staðarþekking er kostur.

Umsóknir, sem berast eftir að umsóknarfresti lýkur, verða ekki teknar til greina. Öllum umsóknum verður svarað þegar ákvörðun um skipun liggur fyrir. Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is undir liðnum eyðublöð.