Lögreglumenn – Lögreglustjórinn á Vesturlandi

21 Október 2015 14:43
Síðast uppfært: 26 Nóvember 2015 klukkan 08:44

Við embætti lögreglustjórans á Vesturlandi eru tvær stöður lögreglumanna lausar til umsóknar.   Um er að ræða vaktavinnu á sólarhringsvöktum á starfssvæðinu Akranes / Borgarnes.  Unnið er eftir svonefndu 5 – 5 – 4 vaktkerfi á 12 tíma vöktum.

Gert er ráð fyrir að skipað verði í stöðurnar, til 5 ára, frá og með 1. janúar 2016.

Nánari upplýsingar veitir Jón S. Ólason yfirlögregluþjónn í síma 444-0305.

Umsóknarfrestur er til og með 20. nóvember nk. og skal umsóknum skilað til Jóns S. Ólasonar yfirlögregluþjóns, lögreglustöðinni, Þjóðbraut 13, 300 Akranesi eða á tölvupóstfangið jon.s.ola@logreglan.is .

Ráðningarkjör eru skv. kjarasamningi fjármálaráðherra f.h. ríkissjóðs og Landssambands lögreglumanna. Starfshlutfall er 100%.

Færni í mannlegum samskiptum, góðir skipulagshæfileikar, frumkvæði, vandvirkni og nákvæmni í vinnubrögðum sem og hæfni til að starfa í hóp eru nauðsynlegir eiginleikar. Góð staðarþekking er kostur. Umsækjendur skulu hafa lokið prófi frá Lögregluskóla ríkisins.

Umsóknir, sem berast eftir að umsóknarfresti lýkur, verða ekki teknar til greina. Öllum umsóknum verður svarað þegar ákvörðun um skipun liggur fyrir. Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is undir liðnum eyðublöð.

Jón S. Ólason

Yfirlögregluþjónn

Lögreglan vesturlandi