Stöðvuðu á níunda hundrað bifreiðir í umferðareftirliti

6 Júní 2017 11:08
Síðast uppfært: 6 Júní 2017 klukkan 11:08

Lögreglan á Suðurnesjum stöðvuðu um 840 bifreiðir í sérstöku eftirliti með umferð um hvítasunnuhelgina. Settir voru upp stöðvunarpóstar á Reykjanesbraut, þar á meðal við Flugstöð Leifs Eiríkssonar. Könnuð voru réttindi svo og ástand ökumanna og ökutækja. Af þessum rúmlega 800 ökumönnum óku tveir sviptir ökuréttindum, einn ók án þess að hafa öðlast réttindi og einn var grunaður um ölvun undir stýri. Þá var einn sektaður fyrir að aka á nagladekkjum og fjórir áminntir fyrir að vera ekki með ökuskírteini meðferðis.