Íslensk ökuskírteini gildi milli landa Evrópusambandsins (EES) þar sem aðildarlönd þess eru með samræmdar reglugerðir varðandi ökuskírteinin og ökuréttindi sem gera það að verkum að engin vandamál ættu að vera fyrir íslenska ferðalanga að nota íslenskt ökuskírteini í þessum löndum. 

Þá er miðað við það að ökuskírteinið sé gefið út eftir 15. ágúst 1997 (ökuskírteini á stærð við kreditkort).  Eldri ökuskírteini, stærri gerðin, eru ekki í samræmi við áðurnefnda reglugerð EES staðla.

Milli velflestra ríkja heims gilda þær reglur að ferðamenn geta notað ökuskírteini heimalands síns í þeim löndum sem þeir ferðast í. 

Fari menn hins vegar til langdvalar erlendis (6 mánuðir eða meira) þurfa þeir að gæta að því hvort ökuréttindi þeirra séu viðurkennd í dvalarlandinu, en það getur verið mismunandi milli landa og þarf að athuga í hverju tilviki fyrir sig, ef um er að ræða land utan EES svæðisins.

Sé farið til langdvalar í landi innan EES svæðisins, er heimilt að leggja íslenska ökuskírteinið inn hjá þar til bærum yfirvöldum í dvalarlandinu, og fá því skipt fyrir ökuskírteini sem gefið er út í því landi, án þess að taka nokkur próf eða staðfesta kunnáttu á nokkurn hátt.

Helstu vandamálin sem ferðamenn geta lent í við akstur erlendis gætu tengst því að vera með eldri gerð ökuskírteina, stærri gerðina.  Hún er, eins og áður segir, ekki í samræmi við EES staðla og óvíst hvort lögregla erlendis skilur hvaða skilríkjum verið er að framvísa. Því er öllum ráðlagt, sem hafa eldri gerð ökuskírteina,  og eru á leið til útlanda, að endurnýja ökuskírteinið áður en lagt er af stað.

Tengt efni:

• Umferðarlögin á heimasíðu Alþingis
• Reglugerð um ökuskírteini á heimasíðu dómsmálaráðuneytisins