Engum má selja boga nema með leyfi lögreglustjóra. Áður en hann veitir slíkt leyfi skal hann ganga úr skugga um að kaupandi stundi æfingar eða keppni í bogfimi hjá íþróttafélagi sem er aðili að Íþróttasambandi Íslands.

Hið sama gildir um leyfi fyrir innflutningi á bogum og örvum til eigin nota. Sækja skal um slíkt leyfi til lögreglustjóra þar sem umsækjandi á lögheimili. Þannig erindi eru framsend til embættis lögreglustjórans á höfuðborgarsvæðinu sem annast útgáfu leyfa fyrir vopnainnflutningi.

Barni undir 16 ára má ekki selja eða afhenda örvaboga með meiri togkrafti en 7 kg eða oddhvassar örvar.