12 Júní 2025 11:00
Frá og með 1. júlí 2025 verða stafræn skírteini, meðal annars ökuskírteini og skotvopnaskírteini, ekki lengur aðgengileg í Apple wallet og Google wallet. Markmið breytingarinnar er að tryggja samræmda og örugga notkun stafrænna skírteina með því að veita aðgang að þeim á einum stað – í ísland.is appinu.
Hvað þýðir þetta fyrir þig sem notanda?
Ef þú ert með stafrænt ökuskírteini eða stafrænt skotvopnaskírteini í símaveski, þarft þú frá og með 1. júlí að nota þau:
- Í gegnum ísland.is appið
- Með því að skrá þig inn á island.is í vafra
Stafrænu ökuskírteinin og skotvopnaskírteinin halda áfram að vera í fullu gildi og hægt er að sýna þau í síma – en ekki í gegnum símaveski (Wallet).
Núverandi skírteini í símaveski má þó nota áfram til 30. ágúst 2025. Eftir þann tíma verða stafræn skírteini eingöngu aðgengileg í Ísland.is appinu.
Hvernig nálgast ég mitt stafræna ökuskírteini og skotvopnaskírteini?
- Sæktu Ísland.is appið úr App store eða Google Play.
- Skráðu þig inn með rafrænum skilríkjum.
- Veldu “Skírteini” í valmynd.
- Þar birtast skírteini með strikamerki og mynd.