2 Desember 2019 10:57

63 ökumenn voru kærðir fyrir að aka of hratt í liðinni viku.   Tveir þeirra voru á meiri en 140 km/klst hraða á 90 km vegi.   Einn var mældur á 119 km/klst hraða skammt frá Vík þann 30. nóvember s.l. þar sem leyfður hámarkshraði er 90 km/klst. Fljúgandi hálka var á veginum og varla stætt.   Ökumaðurinn kannaðist við brot sitt og greiddi sekt sína á vettvangi. Hann kvaðst aldrei hafa keyrt í hálku áður.

Fjórir ökumenn eru grunaðir um að hafa ekið bifreiðum sínum undir áhrifum áfengis í liðinni viku.   Allir fóru þeir frjálsir ferða sinna að skýrslutöku lokinni.

3 mál komu inn á borð lögreglu vegna utanvegaaksturs. Tveimur þeirra hefur verið lokið með sektargerð, annarsvegar ferðamaður sem ók utanvega við Breiðbalakvísl þann 29.11.19 og var stöðvaður af vegfaranda þar og hinsvegar erlendur ferðamaður á Breiðamerkursandi við Þröng þann 27.11.19 Þriðja málið er til rannsóknar en þar stóðu landverðir Vatnajökulsþjóðgarðs erlendan ferðamann að akstri utan vegar við Jökulsárón.

Boðið var upp á fjögur tilvik þar sem búfé gekk laust á vegum, kindur, hestar og nautgripir.   Ekki er vitað til þess að tjón hafi orðið af því en í myrkri og hálku að vont að mæta búsmala á vegi þar sem síst skyldi.

11 umferðaróhöpp voru tilkynnt í liðinni viku. Í þremur þeirra urðu slys á fólki og var fólk flutt til aðhlynningar á viðeigandi sjúkrastofnun.