16 Júní 2025 10:57
Brot 20 ökumanna voru mynduð á Snorrabraut í Reykjavík á föstudag. Fylgst var með ökutækjum sem var ekið Snorrabraut í norðurátt, að Vífilsgötu. Á einni klukkustund, eftir hádegi, fóru 220 ökutæki þessa akstursleið og því allnokkrir ökumenn, eða 9%, of hratt eða yfir afskiptahraða. Meðalhraði hinna brotlegu var 52 km/klst en þarna er 40 km hámarkshraði. Sá sem hraðast ók mældist á 59.
Vöktun lögreglunnar á Snorrabraut er liður í umferðareftirliti hennar á höfuðborgarsvæðinu, en þess má geta að sól og þurrt var á meðan hraðamælingunni stóð.