3 Júní 2025 15:31
Brot 55 ökumanna voru mynduð í Vesturbergi í Reykjavík í dag. Fylgst var með ökutækjum sem var ekið Vesturberg í norðurátt, á móts við Vesturberg 83. Á einni klukkustund, eftir hádegi, fóru 102 ökutæki þessa akstursleið og því ók meirihluti ökumanna, eða 54%, of hratt eða yfir afskiptahraða. Meðalhraði hinna brotlegu var 45 km/klst en þarna er 30 km hámarkshraði. Sá sem hraðast ók mældist á 58.
Vöktun lögreglunnar í Vesturbergi er liður í umferðareftirliti hennar við grunnskóla á höfuðborgarsvæðinu, en þess má geta að skýjað og þurrt var á meðan hraðamælingunni stóð.