20 Janúar 2025 12:51

Tuttugu og sjö ökumenn voru teknir fyrir ölvunar- og/eða fíkniefnaakstur á höfuðborgarsvæðinu um helgina. Fimmtán voru stöðvaðir í Reykjavík, fimm í Kópavogi, þrír í Hafnarfirði, tveir í Mosfellsbæ og einn í Garðabæ og á Seltjarnarnesi. Einn var tekinn á föstudagskvöld, níu á laugardag, fjórtán á sunnudag og þrír aðfaranótt mánudags. Þetta voru tuttugu og fjórir karlar á aldrinum 18-56 ára og þrjár konur, 18-37 ára. Níu þessara ökumanna höfðu þegar verið sviptir ökuleyfi og fimm hafa aldrei öðlast ökuréttindi. Til viðbótar stöðvaði lögreglan för tíu réttindalausra ökumanna og var þeim öllum gert að hætta akstri.

Lögreglan var mjög víða við eftirlit í umdæminu með ölvunar-, fíkniefna- og lyfjaakstri og svo verður vitaskuld áfram enda full ástæða til.