25 Apríl 2017 16:11
Brot 255 ökumanna voru mynduð á Gullinbrú í Reykjavík í gær. Fylgst var með ökutækjum sem var ekið Gullinbrú í suðurátt, á móts við Naustabryggju. Á einni klukkustund, eftir hádegi, fóru 644 ökutæki þessa akstursleið og því ók meira en þriðjungur ökumanna, eða 40%, of hratt eða yfir afskiptahraða. Meðalhraði hinna brotlegu var 79 km/klst en þarna er 60 km hámarkshraði. Hundrað og tveir óku á 80 km hraða eða meira en sá sem hraðast ók mældist á 101.
Vöktun lögreglunnar á Gullinbrú er liður í umferðareftirliti hennar á höfuðborgarsvæðinu.