Innbrotum fjölgaði á milli mánaða
Skráð voru 955 hegningarlagabrot á höfuðborgarsvæðinu í júní og fjölgaði þessum brotum á milli mánaða. Þetta kemur fram í mánaðarskýrslu lögreglustjórans á höfuðborgarsvæðinu fyrir júní …
Starfsemi lögreglunnar á höfuðborgarsvæðinu er fjölþætt og skiptist í tvö megin svið; Löggæslusvið og Rannsóknar og ákærusvið. Undir þessum sviðum er svo frekari skipting.
Sími Lögreglunnar á höfuðborgarsvæðinu er 444 1000 og hægt er að hafa samband í gegn um abending@lrh.is
Lögreglustöðvar eru opnar frá 8:15-16. Utan þess tíma er alltaf hægt að hringja í 112. Utan opnunartíma eru dyrasímar á lögreglustöðvum sem gefa samband við lögreglu.
Óskilamunadeild lögreglunnar á höfuðborgarsvæðinu staðsett á Vínlandsleið 2-4.
Opið er mánudaga til fimmtudaga frá kl. 13 – 15.30, lokað er á föstudögum. Tilkynningar um týnda muni á höfuðborgarsvæðinu má senda á netfangið: oskilamunir@lrh.is eða lostandfound@lrh.is
Ef þú þarft skjóta aðstoð lögreglu hringdu í 112
Innbrotum fjölgaði á milli mánaða
Skráð voru 955 hegningarlagabrot á höfuðborgarsvæðinu í júní og fjölgaði þessum brotum á milli mánaða. Þetta kemur fram í mánaðarskýrslu lögreglustjórans á höfuðborgarsvæðinu fyrir júní 2021.
Tilkynningum um innbrot fjölgaði á milli mánaða og fjölgaði innbrotum á heimili mest. Alls var tilkynnt um 59 innbrot á heimili í júní en ekki hafa borist jafn margar tilkynningar í einum mánuði frá því desember 2018. Heildarfjöldi innbrota það sem af er ári er þó svipaður og síðustu tvö ár á undan. Flest innbrot á heimili áttu sér stað á svæði lögreglustöðvar 1, sem nær yfir Miðborg, Vesturbæ, Seltjarnarnes, Háaleiti, Hlíðar og Laugardal.
Alls bárust 116 tilkynningar um ofbeldisbrot í júní. Eru það færri tilkynningar en í maí. Það sem af er ári hafa borist álíka margar tilkynningar um ofbeldisbrot líkt og bárust að meðaltali á sama tímabili sl. þrjú ár á undan. Tilvikum þar sem lögreglumaður var beittur ofbeldi fjölgaði nokkuð á milli mánaða. Alls voru 8 slík brot skráð í júní.
Tilkynningum um heimilisofbeldi fækkaði nokkuð á milli mánaða. Alls voru skráðar 57 tilkynningar í júní. Það sem af er ári hafa hins vegar borist um 18 prósent fleiri tilkynningar samanborið við meðalfjölda sama tímabils síðustu þrjú ár á undan.
Töluverð fjölgun hefur verið á tilkynningum um eignarspjöll á höfuðborgarsvæðinu. Alls voru 177 tilkynningar skráðar í júní sem eru umtalsvert fleiri tilkynningar en síðustu mánuði á undan. Líta þarf aftur til október 2010 til þess að finna álíka margar tilkynningar um eignarspjöll líkt og bárust í júní.
Skráðum fíkniefnabrotum fækkaði á milli mánaða. Tilkynningum þar sem ökumaður var grunaður um akstur undir áhrifum ávana-og fíkniefna fækkaði einnig á milli mánaða líkt og tilkynningar þar sem ökumaður var grunaður um ölvun við akstur.
Í júní voru skráð 708 umferðarlagabrot (að hraðamyndavélum undanskildum). Það sem af er ári hafa verið skráð um 24 prósent færri umferðarlagabrot á höfuðborgarsvæðinu en að meðaltali á sama tíma síðustu þrjú ár á undan.
Mánaðarskýrsla LRH - júní 2021
issuu.com
Mánaðarlega eru birtar lykiltölur í afbrotatölfræði lögreglunnar á höfuðborgarsvæðinu. Í skýrslunni eru teknar saman upplýsingar um helstu afbrot sem hafa verið tilkynnt til lögreglu...Vantar ekki allar tölur um "sönnunargagna" fölsun!
Í dag er stefnt á að malbika Víkurveg frá Þúsöld að hringtorgi vestan við brúnna yfir Vesturlandsveg. Áætlað er að framkvæmdirnar standi frá kl. 09:00 og fram eftir degi.
Vegfarendur eru beðnir um að virða merkingar við framkvæmdarsvæðið.
Þetta er frábært kort, væri flott að fá svona fyrir allar svona framkvæmdir.
Sá sem kemur úr Mosfellsbæ og ætlar í Húsasmiðjuna í Grafaholti ætti að fresta því til morguns.
Það mætti allveg tala við þá framkvæmdaaðila sem malbika fyrir frekar lélegar merkingar um framkvæmdir oft engar merkingar fyrr en að er komið. En takk fyrir þetta.
Það má líka merkja á Vesturlandsveginum á afreininni inn í Grafarholtið að brúin sé lokuð - það voru margir sem ætluðu í Grafarvoginn í gær sem sneru við ýmist á ljósunum eða við Krónuna. Mér finnst stundum gleymast að láta vita fyrr á vegunum (þ.e. áður en fólk er komið alveg að vinnusvæðum) að það þurfi að fara aðrar leiðir (sbr eitt tilkynningarskilti við hringtorgið við Jónsgeisla og svo bara umferðarskilti)
Er ekki best að láta gera þetta kl 15:30 á föstudaginn svo þeir ná að pirra sem flesta? Svo um leið og hraði kemst á þá eruð þið með mótorhjólatöffarana að hraðamæla? Sigur fyrir alla??
Hér er farið yfir það hvernig best er að haga sér á göngustíg ef maður er á hjóli. Saga Garðarsdóttir, sem er nýbúin að eignast hjól, og Ingvar Ómarsson, atvinnumaður í hjólreiðum fara hér yfir helstu atriðin. Fróðlegt og skemmtilegt myndskeið.
Ekki orð um að hægja á sér!
