Lögreglan á höfuðborgarsvæðinu hefur markað sér stefnu til næstu fimm ára og gildir hún frá 2024-2028. Samhliða breyttum heimi tekst embættið á við ýmsar áskoranir, en þeim fylgja líka tækifæri til að takast á við málin með sem bestum hætti. Miklar breytingar hafa orðið á starfsumhverfi lögreglu undanfarin ár og viðbúið að svo verði áfram. Hér hefur orðið þróun sem er sambærileg því sem gerist erlendis og taka verður mið af því.
Traust, fagmennska og öryggi eru áfram þau gildi sem Lögreglan á höfuðborgarsvæðinu vill standa fyrir, en gert er ráð fyrir endurskoðun og uppfærslu stefnunnar eigi sjaldnar en á tveggja ára fresti. Vonast er eftir góðum árangri í mörgum þeirra málaflokka sem eru tilteknir í stefnunni og m.a. af þeirri ástæðu er regluleg endurskoðun hennar nauðsynleg.
Öllum starfsmönnum Lögreglunnar á höfuðborgarsvæðinu var boðið að taka þátt í mótun stefnunnar og voru undirtektir með miklum ágætum. Vilji þeirra til að gera vel endurspeglast í stefnu embættisins fyrir árin 2024-2028.
Lögreglan á höfuðborgarsvæðinu óskar eftir að ná tali af manninum á meðfylgjandi mynd og er hann vinsamlegast beðinn um að hafa samband við lögreglustöðina á Hverfisgötu 113-115 í Reykjavík í síma 444 1000.
Ef einhver þekkja til mannsins, eða vita hvar hann er að finna, eru hin sömu einnig beðin um að hringja í lögregluna, en upplýsingum má jafnframt koma á framfæri í tölvupósti á netfangið abending@lrh.is
Þótt myndin sé eilítið óskýr má ætla að hún geti gefið góða vísbendingu um hver maðurinn er.
19 CommentsComment on Facebook
Ekki veit ég hvers vegna lögreglan vill ná tali af þessum ágæta manni, en væntanlega eitthvað alvarlegt. Því, í Seljahverfi var ruðst inn á heimili 85 ára gamallar konu sem styðst við göngugrind, hún skall með hnakkann í gólfið og hálfrotuð í gólfinu er hún lamin aftur og aftur með barefli. Og get ekki séð að lögreglan hafi lyft litlafingri til að finna gerendur. Ekki tekin fingraför á vettvangi og þó er ætlað barefli til staðar. Mun ekki svara neinum spurningum um þetta hér-en get ef svo ólíklega vildi til að þessi færsla mín vekti áhuga einhvers lögregluþjóns gefið viðkomandi upp málsnúmerið. Viti þið hvað ég held? Að þetta sé hin hliðin á æskudýrkun, að gamalt fólk skipti bara engu máli.
Skil vel að lögreglan biðji um aðstoð við að finna fólk, hún er illa mönnuð, við ættum að kunna að þakka þeim 🥰
ég veit hver hann er… hvað gerði hann??? hann er með mér í skóla
Nýjasti læknir
Farið út og leitið, hafið ekkert annað að gera gætið fundið einhvern sem þið getið sektað í leiðinni 🤮
Sérsveitarmenn frá ríkislögreglustjóra verða aftur við æfingar í gamla Morgunblaðshúsinu í Kringlunni í dag. Þar er um að ræða sprengjusvið embættisins og því ekki ósennilegt að vegfarendur heyri einhverja hvelli frá húsinu meðan á æfingunni stendur, en henni lýkur síðdegis.
5 CommentsComment on Facebook
Er ekki hægt að leika sér annarsstaðar ?
Ekki veitir af.
Er veruleikinn farinn að renna upp fyrir ykkur eftir sprenginguna í dag?
Mjög hentug staðsetning sögulega séð
Fær mbl.is borgað fyrir "ónæðið"? Mogginn notar jú öll hugsanleg brögð til að sjúga til sín peninga frá þjóðinni, eins og að allar opinberar stofnanir eru látnar kaupa margfalda áskrift að blaðinu
Sumarið er tími framkvæmda og þá þarf að fræsa og malbika götur með tilheyrandi þrengingum og lokunum eftir því sem við á. Vekjum athygli á þessum framkvæmdum í Kópavogi í dag ef veður leyfir.
