Á lögreglustöð 1, Hverfisgötu 113, starfar Hallur Hallson, rannsóknarlögreglumaður í kynferðisbrotadeild. Hallur er með fésbókarsíðu þar sem hann segir frá starfi sínu og nýtir síðuna til að hafa samband við þá sem vilja vera í samskiptum við lögreglu gegnum samfélagsmiðla.
Hægt er að fylgjast með Halli á slóðinni: https://www.facebook.com/Logreglustod.1
Á lögreglustöð 1, hjá Lögreglunni á höfuðborgarsvæðinu starfar Gísli Kr. Skúlason, við birtingar og boðanir. Hann er með fésbókarsíðu sem er haldið úti til að auðvelda fólki að ná sambandi við lögreglu vegna birtinga og boðana.
Hægt er að fylgjast með Gísla Kr. hér: https://www.facebook.com/61556003014022
Tveir vegfarendur slösuðust í umferðinni á höfuðborgarsvæðinu í síðustu viku og þykir það vera í minna lagi, ef þannig má komast að orði. Vikulegar samantektir um umferðarslys í umdæminu er annars að finna á lögregluvefnum, en í síðustu viku var enn fremur tilkynnt um 27 umferðaróhöpp og þykir það líka vera í minna lagi þegar samanburður er annars vegar.
Höldum áfram að fara varlega í umferðinni og komum heil heim.
Lögreglan á höfuðborgarsvæðinu óskar eftir vitnum að árekstri fólksbifreiðar og strætisvagns sem varð á gatnamótum Snorrabrautar og Bergþórugötu í Reykjavík í morgun, föstudaginn 24. janúar. Tilkynning um áreksturinn barst kl. 10.38, en fólksbifreiðinni var ekið austur Bergþórugötu og inn á gatnamótin, en strætisvagninum var ekið suður Snorrabraut þegar árekstur varð með þeim. Þarna eru umferðarljós, en ökumönnunum ber ekki saman um stöðu ljósanna þegar áreksturinn varð. Við hann hafnaði fólksbifreiðin utan vegar og valt, líkt og sjá má á meðfylgjandi mynd.
Þau sem urðu vitni að árekstrinum eru vinsamlegast beðin um að hafa samband við lögregluna í síma 444 1000, en upplýsingum má einnig koma á framfæri í tölvupósti á netfangið 1707@lrh.is
4 CommentsComment on Facebook
Það er myndavél í framrúðunni á vagninum. Er búið að athuga hvort hún hafi virkað?
Strætó fer nú ekki beint fram hjá manni. 🤔
🤦♂️🤦♂️🤦♂️🤦♂️
Meirihluti strætisvagna-bílstjóra Reykjavíkur aka alltof hratt og virðast halda að umferðarlögin gildi ekki um þá.
Áhugavert nám, áhugavert starf.
Þetta efni er ekki í boði sem stendur
Þetta gerist yfirleitt vegna þess að eigandinn deildi innlegginu einungis með takmörkuðum hópi fólks, breytti hver getur séð innleggið eða því hefur verið eytt.1 CommentComment on Facebook
