Lögreglan á Norðurlandi eystra

Lögreglan á Norðurlandi eystra

1 viku síðan

Síðastliðinn þriðjudagsmorgun mældist mikil skjálftavirkni í Bárðarbungu þar sem margir skjálftar voru yfir 3 að stærð og sá stærsti mældist 5,1. Lögreglustjórinn á Norðurlandi eystra brást við þessu með því að virkja Viðbragðsáætlun vegna Bárðarbungu eða norðan Vatnajökuls á óvissustigi. Auk þess var ákveðið að hafa aðgerðarstjórnstöð á Húsavík opna frá 8-12 næstu daga, til að fylgjast með þróun mála og svara fyrirspurnum.

Þessi aukna skjálftavirkni í Bárðarbungu gekk niður á nokkrum klukkustundum og má segja að þar hafi allt verið með kyrrum kjörum síðan. Nú hefur því verið ákveðið að afturkalla virkjun á þessari viðbragðsáætlun og hætta að hafa aðgerðarstjórnstöðina opna. Við munum þó að sjálfsögðu fylgjast grannt með öllum óróa í Bárðarbungu.

Ríkislögreglustjóri hefur einnig, í samráði við Lögreglustjórana á Norðurlandi eystra, Austurlandi og Suðurlandi, aflýst óvissustigi Almannavarna sem sett var á s.l. þriðjudag vegna aukinnar skjálftavirkni í Bárðarbungu.

Svo vildum við benda ykkur á að nú er verið að spá austan og norðaustan hvassviðri, sem á að ganga inn á landið í kvöld og standa fram á sunnudag. Gefnar hafa verið út gular viðvaranir á öllu landinu vegna þessa veðurs en þær hafa mismunandi gildistíma eftir landsvæðum. Það getur fylgt þessu talsverð úrkoma, skafrenningur og sterkar vindhviður þannig að akstursskilyrði geta orðið erfið. Endilega kynnið ykkur þetta betur t.d. á vedur.is og þá sérstaklega ef þið hyggið á ferðalög.

Farið varlega og eigið góða helgi. ... Sjá meiraSjá minna

Lögreglan á Norðurlandi eystra

1 viku síðan

Vegna aukinnar jarðskjálftavirkni í Bárðarbungu í morgun hefur Lögreglustjórinn á Norðurlandi eystra virkjað viðbragðsáætlun vegna eldgoss í Bárðarbungu eða norðan Vatnajökuls í samráði við almannavarnadeild ríkislögreglustjóra. Áætlunin er virkjuð á óvissustigi og hafa viðbragðsaðilar fengið boðun í gegnum neyðarlínuna í samræmi við viðbragðsáætlunina þar sem segir: Óvissustig – líkur á eldgosi undir Vatnajökli.

Virkjunin er fyrst og fremst gerð í þeim tilgangi að viðbragðsaðilar og þeir sem hafa hlutverkum að gegna samkvæmt áætluninni hafi tækifæri til að undirbúa sig og rifja upp áætlunina.

Viðbragðsáætlunina má finna á síðu almannavarna, sjá hér að neðan.

Ákveðið hefur verið að hafa opna aðgerðastjórn á Húsavík kl. 8-12 næstu daga. Þeir sem þurfa að hafa samband við aðgerðastjórn geta hringt í 464-9717 eða sent tölvupóst á netfangið ast.husavik@simnet.is

www.almannavarnir.is/utgefid-efnis/eldgosaaaetlanir/ ... Sjá meiraSjá minna

Lögreglan á Norðurlandi eystra

2 vikum síðan

Lögreglan á Norðurlandi eystra ásamt sérsveit ríkislögreglustjóra voru rétt í þessu að ljúka aðgerðum Í Glerárhverfi á Akureyri þar sem 5 aðilar voru handteknir í heimahúsi. Tilkynnt hafði verið um líkamsárás og hótanir þar sem vopnum var beitt.
Lögreglan vopnaðist og var nærliggjandi götum lokað á meðan ástand var tryggt. Vakthafandi lögreglumenn sérsveitar ríkislögreglustjóra voru kallaðir út og stýrðu þeir handtökum á vettvangi.
Málið er á frumstigi og því ekki unnt að veita frekari upplýsingar að svo komnu máli. ... Sjá meiraSjá minna