Þrír handteknir í lögregluaðgerðum á Akureyri
Þrír karlmenn voru handteknir í lögregluaðgerðum á Akureyri í morgun. Í framhaldi voru framkvæmdar húsleitir í tveimur húsnæðum og lagði lögreglan hald á farsíma og …
Ef erindið er ekki brýnt sendu okkur tölvupóst í gegnum formið eða hringja í síma 444 2800 Lögreglan minnir einnig á fíkniefnasímann 800 5005.
Þrír karlmenn voru handteknir í lögregluaðgerðum á Akureyri í morgun. Í framhaldi voru framkvæmdar húsleitir í tveimur húsnæðum og lagði lögreglan hald á farsíma og …
Landsréttur hefur með úrskurði sínum uppkveðnum í dag vísað frá héraðsdómi máli blaðamanns gegn embætti Lögreglustjórans á Norðurlandi eystra. Blaðamaðurinn krafðist þess að skýrslutaka af …
Í tilefni af umræðu í fjölmiðlum um rannsókn máls hjá embætti Lögreglustjórans á Norðurlandi eystra vill embættið koma eftirfarandi á framfæri. Embættið er með …
Lögreglustjórinn á Norðurlandi eystra
Þórunnarstræti 138
600 Akureyri
Opnunartími: 08:00-15:00
Þjónustusími: 444 2800
Netfang: nordurland.eystra@logreglan.is
Lögreglustjóri umdæmisins: Páley Borgþórsdóttir
Umdæmið er eitt það stærsta á Íslandi og þekur tæplega 23.300 ferkílómetra landsins.
Vesturmörk umdæmisins fylgja miðjum Tröllaskaga til sjávar að Almenningsnöfum. Til suðurs fylgir vestasti hluti umdæmisins Eyjafjarðardölum, allt til Hofsjökuls og austur um til Vatnajökuls. Austurmörk umdæmisins eru frá Dyngjujökli, vestan við Kverkfjöll og norður eftir meðfram Jökulsá og til sjávar eftir Sandvíkurheiði, að Stapá, milli Viðvíkur og Strandhafnar.
Íbúafjöldi þann 01.01.2022 var 31.161.
Stærstu þéttbýlisstaðir eru Akureyri með 19.642 íbúa. Fjallabyggð, Ólafsfjörður og Siglufjörður ásamt dreifbýli með 1.966 íbúa. Norðurþing, Húsavík, Kópasker, Raufarhöfn og dreifbýli með 2.822 íbúa. Dalvíkurbyggð með 1.860 íbúa. Langanesbyggð, Þórshöfn og Bakkafjörður og dreifbýli með 506 íbúa. Svalbarðsstrandarhreppur, Svalbarðseyri og dreifbýli með 449 íbúa. Grýtubakkahreppur og Grenivík með 369 íbúa.
Innan umdæmisins eru aðrir þéttbýlisstaðir m.a. Árskógssandur og Hauganes, Hrísey, Grímsey, Reykjahlíð við Mývatn, Laugar í Reykjadal og Hrafnagilshverfi í Eyjafjarðarsveit.
Nú um liðna helgi hittust viðbragðsaðilar á Norðurlandi eystra á Húsvík þar sem haldin var „Námsstefna um aðgerðamál“ og voru þátttakendur um 50 talsins.
Markhópur námsstefnu þessarar eru aðilar sem koma að stjórnun og stýringu aðgerða í umdæmi LSNE sem nær allt frá Fjallabyggð í vestri að Bakkafirði í austri.
Haldir voru ýmsir fyrirlestrar sem varða m.a. náttúruvána í okkar umdæmi, tæknimál varðandi dróna og streymi, nýjar áherslur hjá Ferðamálastofu varðandi utanumhald með ferðaþjónustufyrirtækjum og þá var mjög áhugaverður fyrirlestur er varðar þá stöðu þegar viðbragðsaðilar lenda sjálfir í slysum við störf sín svo eitthvað sé nefnt.
Er þetta í annað sinn sem námsstefna sem þessi er haldin, en hún var fyrst haldin í febrúar 2023, og stendur Almannavarnanefnd í umdæmi lögreglustjórans á Norðurlandi eystra straum af stærstum hluta kostnaðarins.
Almenn ánægja er meðal þátttakenda um fræðslu og samráðsvettvang sem þennan sem eflir og tengir allar viðbragðseiningar enn betur saman þegar síðan reynir á í aðgerðum og samstarfi.
Á námstefnuna komu m.a. gestafyrirlesarar frá embætti Ríkislögreglustjóra, Slysavarnafélaginu Landsbjörg, Veðurstofu Íslands og Ferðamálastofu og viljum við færa þeim sérstakar þakkir fyrir þeirra framlag.
Hér að neðan má sjá nokkrar myndir frá námsstefnunni. ... Sjá meiraSjá minna
0 CommentsComment on Facebook
Um klukkan 15:56 í dag fékk lögreglan á Norðurlandi eystra tilkynningu um slasaðan vélsleðamann við Þönglabakka í Grýtubakkahreppi. Í kjölfarið voru sjúkraflutningamenn á Akureyri ræstir út sem og björgunarsveitir frá Grenivík og Akureyri. Vegna staðsetningar slyssins þótti ljóst að erfitt yrði fyrir viðbragðsaðila að komast á vettvang og að verkefnið yrði tímafrekt. Því var óskað eftir aðstoð frá þyrlusveit Landhelgisgæslunnar. Áhöfn björgunarskips Sigurvins frá Siglufirði var einnig ræst út í þetta verkefni. Aðgerðastjórn á Akureyri var virkjuð.
Um klukkan 16:44, þegar viðbragðsaðilar voru á leið á vettvang barst lögreglu svo önnur tilkynning um vélsleðaslys skammt frá gangnamannahúsinu Derri í Þorvaldsdal. Lögregla, sjúkralið og björgunarsveitir frá Dalvík voru send á vettvang. Þá var einnig óskað eftir aðstoð frá þyrlusveit Landhelgisgæslunnar við að flytja hinn slasaða á Sjúkrahúsið á Akureyri.
Fór svo að þegar þyrla LHG hafði sótt vélsleðamanninn úr Þönglabakka flaug hún yfir í Þorvaldsdal og sótti hinn vélsleðamanninn og flutti á Sjúkrahúsið á Akureyri til aðhlynningar.
Ekki er talið að viðkomandi vélsleðamenn séu alvarlega slasaðir.
Lögreglan á Norðurlandi eystra vill þakka öllum sem að þessum verkefnum komu kærlega fyrir aðstoðina, vinnubrögð þeirra voru fumlaus og fagleg. ... Sjá meiraSjá minna
0 CommentsComment on Facebook
Á þriðjudagskvöldið var haldin umfangsmikil snjóflóðaæfing á skíðasvæðinu í Hlíðarfjalli. Þátt tóku rúmlega 100 viðbragðsaðilar sem komu frá lögreglu, slökkviliði, björgunarsveitum, HSN, SAk, RKÍ sem og starfsfólk Hlíðarfjalls.
Æfing sem þessi hefur verið haldin reglulega síðustu 10 ár þar sem unnið hefur verið eftir viðbragðsáætlun sem til er vegna snjóflóða og slysa í Hlíðarfjalli. Líkt var eftir því að snjóflóð hafi fallið á hóp skíðafólks sem þarfnaðist aðhlynningar við og þá þurfti að leita í flóðinu sjálfu að gröfnum einstaklingum. Reyndi það mjög á þjálfun leitarmanna sem og leitarhunda. Aðstæður þessar voru mjög krefjandi og þá þurfti að gæta sérstakrar varúðar þar sem möguleg snjóflóðahætta var enn á svæðinu.
Virkjuð voru öll starfssvæði sem fylgja verkefni sem þessu, þ.e. aðgerðastjórn, vettvangsstjórn og verkþáttastjórar.
Æfingin gekk vel fyrir sig og eiga allir aðilar sem að henni komu hrós skilið sem og þakkir fyrir. Æfing sem þessi skilur ávallt eftir sig þekkingu og atriði sem vert að rýna frekar til gagns fyrir framtíðina og komandi verkefna á þessu sviði.
Látum hér fylgja með nokkrar myndir frá æfingunni 😊 ... Sjá meiraSjá minna
0 CommentsComment on Facebook