Jafnréttisáætlun Lögreglustjórans á höfuðborgarsvæðinu (LRH) byggir á lögum um jafna stöðu og jafnan rétt kynjanna nr. 150/2020 og lögum um jafna meðferð á vinnumarkaði nr. 86/2018.
Jafnréttisáætlun LRH gildir til þriggja ára í senn.
Leiðarljós
Embætti Lögreglustjórans á höfuðborgarsvæðinu er eftirsóknarverður vinnustaður þar sem jafnrétti og jafnræði starfsfólks er virt í hvívetna. Allt starfsfólk hefur jöfn tækifæri til að nýta eigin atorku og þroska hæfileika sína.
Markmið
Markmið jafnréttisáætlunar LRH er að koma á og viðhalda jafnrétti meðal starfsfólks, jafna stöðu og virðingu þess innan LRH og auka meðvitund stjórnenda og starfsfólks um mikilvægi þess að öll fái að njóta sín óháð kyni, kynhneigð, kynvitund, samfélagsstöðu, trúarbrögðum, uppruna eða litarhætti.
Áhersla er lögð á:
Skipulag og ábyrgð
Lögreglustjóri ber ábyrgð á framgangi jafnréttismála innan embættisins.
Jafnréttisáætlun er yfirfarin í heild á þriggja ára fresti. Á hverju ári er farið yfir markmið jafnréttisáætlunar með stjórnendum og stöðu mála í samræmi við árangursmælikvarða í tengslum við rýni æðstu stjórnenda á árangur jafnlaunakerfisins, þ.e. hvort kerfið sé fullnægjandi og virkt.
Jafnréttisfulltrúar LRH
Lögreglustjóri skipar jafnréttisfulltrúa LRH til þriggja ára í senn og tryggir viðkomandi einstaklingum svigrúm til að sinna verkefnum sínum. Jafnréttisfulltrúar vinna að jafnréttismálum innan LRH og eru starfsfólki LRH og tengdum aðilum, s.s. jafnréttisfulltrúa lögreglunnar hjá RLS og jafnréttisnefnd lögreglunnar, til aðstoðar og ráðgjafar.
Jafnréttisfulltrúar LRH 2022-2025 eru:
• Agnes Ósk Marzellíusardóttir, rannsóknarlögreglumaður
• Stefán Elí Gunnarsson, lögreglumaður
Aðgerðaráætlun
1. Að vinna að sem jöfnustu kynjahlutfalli í hópi starfsfólks LRH
Í árslok 2021 var hlutfall kvenna rúmlega 34% meðal lögreglumanna og rúmlega 65% meðal borgaralegra starfsmanna hjá LRH en lögreglumenn eru 77% starfsfólks. Hlutfall kvenna meðal lögreglumanna lækkar eftir því sem ofar dregur í starfstigum. Kynjahlutföll í yfirstjórn LRH eru 45% konur og 55% karlar.
2. Að starfsfólk LRH njóti jafnra launa og sömu kjara fyrir sömu eða jafn verðmæt störf
3. Að laus störf og framgangur í starfi standi öllu starfsfólki LRH til boða
4. Að starfsþjálfun og endur- og símenntun standi öllu starfsfólki LRH til boða
5. Að auðvelda starfsfólki LRH að samræma vinnu og einkalíf
6. Að kynbundin eða kynferðisleg áreitni og kynbundið ofbeldi er ekki liðið hjá LRH
Sérsveitarmenn frá ríkislögreglustjóra verða aftur við æfingar í gamla Morgunblaðshúsinu í Kringlunni í dag. Þar er um að ræða sprengjusvið embættisins og því ekki ósennilegt að vegfarendur heyri einhverja hvelli frá húsinu meðan á æfingunni stendur, en henni lýkur síðdegis.
5 CommentsComment on Facebook
Er ekki hægt að leika sér annarsstaðar ?
Ekki veitir af.
Er veruleikinn farinn að renna upp fyrir ykkur eftir sprenginguna í dag?
Fær mbl.is borgað fyrir "ónæðið"? Mogginn notar jú öll hugsanleg brögð til að sjúga til sín peninga frá þjóðinni, eins og að allar opinberar stofnanir eru látnar kaupa margfalda áskrift að blaðinu
Mjög hentug staðsetning sögulega séð
Sumarið er tími framkvæmda og þá þarf að fræsa og malbika götur með tilheyrandi þrengingum og lokunum eftir því sem við á. Vekjum athygli á þessum framkvæmdum í Kópavogi í dag ef veður leyfir.
Þessir snillingar í Álfhólsskóla í Kópavogi fengu í vikunni sérstaka viðurkenningu frá Lögreglunni á höfuðborgarsvæðinu fyrir þátttöku í Jafningjafræðslu til nemenda í 6. bekk Álfhólsskóla. Stelpurnar heita Elínborg Dóra, Elma Björk, Eyrún Dísa og Fríða Rakel, en þær eru nemendur í 9. bekk við sama skóla.
Það voru samfélagslögreglumenn sem afhentu viðurkenningarnar til stelpnanna við heimsókn í Álfhólsskóla, en við það tækifæri fylgdust þeir með þegar þær héldu fræðslu fyrir tvo hópa í 6. bekk skólans. Þar var fjallað um sakhæfi, mörk, taka lögin í sínar hendur og stafrænt ofbeldi. Virkilega góð og vel framsett fræðsla hjá stelpunum, sem eiga aldeilis framtíðina fyrir sér í hverju því sem þær munu taka sér fyrir hendur.
„Lögreglan á höfuðborgarsvæðinu veitir hér með eftirfarandi nemendum í 9. bekk viðurkenningu fyrir þátttöku í Jafningjafræðslu til nemenda í 6. bekk við Álfhólsskóla. Með frábæru framlagi og jákvæðni hafið þið stuðlað að öryggi, fræðslu og samheldni innan skólans. Við metum þátttöku ykkar mikils og óskum ykkur velfarnaðar í framtíðinni.“ Svo stóð á viðurkenningarskjali lögreglunnar, en hún vonast til að fleiri skólar fylgi því góða fordæmi sem hér hefur verið sýnt.
8 CommentsComment on Facebook
really enjoyed your work for hollywood, some damn huge amount better come back to the people.
Gratulerer
Glæsilegt hjá þessum flottu stúlkum 🥰👍
Vel gert af nemendum og Lögreglunni á Höfuðborgarsvæðinu ❤️
