Umferðarslys á Klettshálsi.
Á ellefta tímanum í morgun barst, í gegnum Neyðarlínuna, tilkynning um umferðarslys á veginum yfir Klettsháls í Reykhólasveit. Þar mun fólksbifreið hafa farið út af veginum og oltið eina eða fleiri veltur.
Ökumaður var einn í bifreiðinni og var fastur í bílflakinu.
Vegfarendur sem fyrstir komu á vettvang hlúðu að viðkomandi í bifreiðinni. Á meðal þeirra voru hjúkrunarfræðingur og læknir, sem kom sér ákaflega vel.
Björgunarsveitir af svæðinu, sjúkrabifreið og tækjabíll frá Patreksfirði ásamt lögreglu fóru á vettvang. Kallað var eftir aðstoð þyrlu LHG sem blessunarlega var í æfingaflugi þegar útkallið barst og var því fljótari en ella á vettvang.
Þegar ökumaður hafði verið losaður úr bílflakinu og fékk viðeigandi aðhlynningu var honum flogið með þyrlunni á sjúkrahús í Reykjavík. Líðan hans mun vera, eftir atvikum, stöðug.
Lögreglan á Vestfjörðum vill þakka vegfarendum þeim sem komu á vettvang og hlúðu að hinum slasaða og viðbragðsaðilum fyrir vel unnið verk.
Rannsókn á tildrögum slyssins er í höndum lögreglunnar á Vestfjörðum og rannsóknarnefndar samgönguslysa.
Ég velti fyrir mér afhverju björgunarlið frá Patro, hafi verið ræst út, þar sem miklu stytttri vegalengd frá Reykholum,Búðardal og Holmavik.
Flott mynd 💪
❤❤
❤️❤️
🙏❤️🫶
💜👊
I nýja bílnum mínum er takki og sé ýtt á hann hringir bíllinn í Neyðarlínuna. Þegar ég var að kynnast bílnum ýtti ég á þennan takka og svo heyrði ég kvenrödd sem sagði: "Neyðarlínan." Úpps sagði ég. Ég sagði að ég væri að kynnast nýja bílnum og hefði ýtt á takka sem er illa merktur og þá hafi húna svarað. Konan sagði það gott að fólk kynnist nýjum tækjum. Ef á þarf að halda seinna, þá veit ég hvar skal ýta til að fá hjálp.
Ertu lögfræðimenntuð/menntaður - áhugavert starf hjá lögreglunni á Vestfjörðum.
www.stjornarradid.is/efst-a-baugi/laus-storf-a-starfatorgi/auglysing/?id=33559
Af verkefnum liðinnar viku.
Umferð um Vestfirði virðist farin að aukast eða ökumenn farnir að auka hraðan. En 6 ökumenn voru kærðir fyrir að aka yfir leyfilegum hámakshraða. Flestir í Strandasýslu en einnig í Ísafjarðarbæ. Sá sem hraðast ók mældist á 137 km hraða þar sem hámarkshraði er 90 km.
Tilkynnt var um eitt umferðaróhapp í vikunni. En um var að ræða árekstur tveggja bifreiða á gatnamótum í Dýrafirði. Ökutækin voru óökufær eftir atvikið en slys minniháttar.
Síðdegis fimmtudaginn 4. maí var lögreglan kölluð á vettvang, á Ísafirði, þar sem tveir aðilar voru í átökum. Eitthvað ósætti hafði orðið með aðilunum. Engin alvarleg meiðsl hlutust af þessu atviki.
Eitt minniháttar fíkniefnamál kom upp í vikunni, á Ísafirði, en þá fundust fíkniefni á aðila.
Skráningarnúmer voru tekin af nokkrum ökutækjum sem ekki höfðu verið færð til lögbundinnar skoðunar.
Nú eru ungir vegfarendur farnir að vera meira úti og jafnvel á reiðhjólum sínum. Foreldrar eru hvattir til að gæta þess að börn þeirra noti viðurkennda reiðhjólahjálma. Eins eru ökumenn hvattir til þess að aka með varúð.
