Lögreglustjóri ber ábyrgð á launastefnu embættisins. Hann ber einnig ábyrgð á jafnlaunastefnu og að lagalegum kröfum og kröfum Jafnlaunastaðalsins ÍST 85:2012 sé framfylgt. Yfirlögregluþjónn er tilnefndur fulltrúi lögreglustjóra varðandi jafnlaunakerfið og skal sjá um innleiðingu, skráningu, skjalfestingu og viðhalds á vottuðu jafnlaunakerfi í samræmi við kröfur jafnlaunastaðalsis ÍST 85:2012 og jafnréttislög nr. 150/2020.
Embættið greiðir laun eftir umfangi og eðli starfa og taka mið af þeim kröfum sem störf gera um þekkingu, hæfni og ábyrgð.
Forsendur launaákvarðana eru að þær séu í samræmi við lög, reglur og kjara- og stofnanasamninga, studdar rökum og tryggi að sömu laun séu greidd fyrir sambærileg eða jafnverðmæt störf.
Umfang og eðli starfs hefur áhrif á laun og ræðst af ýmsum þáttum, svo sem reynslu, þekkingu, hæfni, ábyrgð, álagi, mannaforráðum, menntun, samstarfshæfileikum, stjórnun og verkefnum. Allar launaákvarðanir skulu rökstuddar, sé þess óskað.
Ákvarðanir um launabreytingar eru teknar af lögreglustjóra sem fer yfir laun allra starfsmanna embættisins árlega til að tryggja að samræmis sé gætt í launagreiðslum.
Starfsmenn geta fengið viðtal við lögreglustjóra um endurskoðun launa. Telji lögreglustjóri þörf á endurskoðun að loknum fundi hefur hann samráð við yfirlögregluþjón og aðstoðaryfirlögregluþjón, eftir atvikum, um framhald málsins.
Starfslýsingar skulu vera til um öll störf embættisins. Þar skulu koma fram allir meginþættir starfs, svo sem kröfur um menntun, hæfni, reynslu og þá ábyrgð sem í starfinu felst auk upplýsinga um starfaflokk samkvæmt stofnanasamningi.
Launastefnan samræmist mannauðsstefnu embættisins.
Markmið embættisins er að tryggja öllum starfsmönnum þess jöfn laun og sömu kjör fyrir sömu eða jafnverðmæt störf þannig að enginn launamunur sé til staðar. Tryggja skal öllum jafna möguleika til starfa, ábyrgðar, launa, stöðuhækkana, endurmenntunar og starfsþjálfunar.
Skrifstofu lögreglustjórans á Vestfjörðum,
Ísafirði, 2. desember 2021
Karl Ingi Vilbergsson, lögreglustjóri
Hópslysaáætlun almannavarna við Ísafjarðradjúp hefur verið virkjuð.
Kl.12:01 var hópslysaáætlun almannavarna á Vestfjörðum virkjuð vegna tilkynningar um vélavana farþegabáts í Ísafjarðardjúpi.
47 farþegar voru um borð auk tveggja manna áhafnar. Báturinn hafði siglt með farþega frá Ísafirði fyrr í morgun.
Enginn er í hættu og hefur þjónustubátur frá fiskeldisfyrirtækinu Háafelli, sem var skammt frá, auk björgunarbátanna Kobba Láka frá Bolungarvík, Gísla Jóns frá Ísafirði og Svans frá Súðavík farið á vettvang og hefur farþegabáturinn verið tekinn í tog.
Farþegarnir verða fluttir til Ísafjarðar þar sem tekið verður á móti þeim skv. skipulagi almannavarna.
Nú sl. laugardag æfðu viðbragðsaðilar viðrögð við hópslysi í Ísafjarðardjúpi, sem tókst mjög vel. Sömu viðbragðsaðilar eru nú að vinna saman að í raunaðstæðum.
Skv skipulagi er Landhelgisgæslan með stjórn á aðgerðum en með aðkomu aðgerðastjórnar almannavarna á Vestfjörðum, vettvangsstjórn, sem mönnuð er á Ísafirði, ásamt viðbragðsaðilum á NV Vestfjörðum.
2 CommentsComment on Facebook
Þad gleymist ad minnast á farþegabátana sem voru á undan bjsv á vettvang og fluttu fòlk til Súðavíkur.
Þar sést hve nauðsynlegar æfingarnar eru. Vel gert.
Aðfaranótt sl. laugardags voru slökkvilið og lögregla kölluð að eftirvagni í miðbæ Ísafjarðar þar sem eldur var laus í gömlu byggingarefni sem var á vagninum. Telja má mildi að veður var gott og að athugulir einstaklingar urðu varir við eldinn og gátu ýtt eftirvagninum frá húsum sem hann stóð við og komið þannig í veg fyrir hættu á meira tjóni. Vagninn er mikið skemmdur en efnið á honum var ekki þess eðlis að kviknað gæti í því af sjálfsdáðum.
Þeir sem kunna að hafa upplýsingar um málið eru vinsamlega beðnir um að hafa samband við lögreglu í gegnum 112 eða á vestfirdir@logreglan.is
Ellefu ökumenn voru stöðvaðir fyrir of hraðan akstur á Vestfjörðum í liðinni viku. Sá sm hraðast ók mældist á 132 km hraða þar sem leyfilegur hraði er 90 km. Hans bíður sekt upp á 120.000 króna sekt og tveir punktar í ökuferilsskrá.
Einn ökumannanna var stöðvaður á 120 km hraða þar sem leyfður er 60 km hraði og annar á 66 km hraða þar sem 30 km hámarkshraði gildir. Bæði brotin hafa í för með sér ökuleyfissviptingu auk sektar.
Tilkynnt var um tvö umferðarslys á Vestfjörðum í vikunni, annað á Bíldudalsvegi og hitt við Bolungarvík. Meiðsl virðast hafa verið minniháttar í báðum tilvikum.
Skömmu fyrir hádegi á laugardag barst tilkynning um að einstaklingur sem hefði farið í sjósund við Dýrafjörð nokkru áður hefði ekki skilað sér í land aftur. Svo vildi til að á sama tíma var sjóbjörgunaræfing á Ísafjarðardjúpi, sem áður hefur verið rætt um hér á síðunni. Allar bjargir og stjórnstöðvar voru vegna þess fullmannaðar og var strax óskað eftir því að bátar björgunarsveita og varðskipið Þór héldu að Dýrafirði til leitar.
Skömmu síðar koma í ljós að viðkomandi hafði komið í land nokkru áður, heill á húfi. Æfingunni var því fram haldið.
Eins og sjá má á meðfylgjandi mynd sem tekin var við Tungudal í Skutulsfirði seint í gærkvöld, er tíðin með einmunum góð og gróður óvenju blómlegur miðað oft áður. Þá er veðurspá með þeim hætti að rétt er að eigendur ökutækja reyni að nýta það sem eftir er maímánaðar til að koma ökutækjum sínum af nagladekkjunum eigi þeir það á annað borð eftir.
5 CommentsComment on Facebook
Flottur bíll. Vonandi náið þið öllum sem keyra of hratt á hættulegum og þröngum vegum þó þeir séu local.
Finnst nú ekki mykið virt 30km hraði á Ísafirði
Látið þið íslensku litina á löglegu bílana. Eða bara brenna þetta rusl 100% ÍSLEDINGUR hér.
Þetta er flottur felalitur á bílnum
Veit ekki en er ekki ráð að fá sér bara kókómjóllk
Vel heppnuð æfing.
Þetta efni er ekki í boði sem stendur
Þetta gerist yfirleitt vegna þess að eigandinn deildi innlegginu einungis með takmörkuðum hópi fólks, breytti hver getur séð innleggið eða því hefur verið eytt.0 CommentsComment on Facebook
