Lögreglan á Vestfjörðum
Aðalstræti 92
450 Patreksfirði
Beinn sími: 444 0430
Þjónustusími allan sólarhringinn: 444 0400
Netfang: vestfirdir@logreglan.is
Öruggari Vestfirðir - fundur í Strandabyggð 7. maí nk.
Öruggari Vestfirðir, svæðisbundið samráð gegn ofbeldi og öðrum afbrotum á Vestfjörðum bjóða til samráðsfundar í Sauðfjársetrinu á Hólmavík þann 7. maí næstkomandi frá kl. 10-15. Viðburðurinn er öllum opinn og er þátttakendum að kostnaðarlausu. Hvetjum sem flesta til að mæta. Óskað er eftir að þátttakendur skrái sig og er skráningarfrestur til og með1. maí nk.
Á samráðsfundinum verður sérstök áhersla á forvarnir meðal barna og ungmenna. Því eru öll þau sem vinna með málefni barna og fjölskyldna sérstaklega velkomin á fundinn.
Um Öruggari Vestfirði:
Öruggari Vestfirðir er svæðisbundinn samráðsvettvangur þar sem unnið er með markvissum hætti að auknu öryggi íbúa með fræðslu um ofbeldi og skaðsemi þess auk varna gegn afbrotum á Vestfjörðum.
Á samráðsfundum koma allir helstu hagaðilar á Vestfjörðum að undirbúningi eða samtali með einum eða öðrum hætti.
Lögreglustjórinn á Vestfjörðum, Árneshreppur, Kaldrananeshreppur, Strandabyggð, Reykhólahreppur, Vesturbyggð, Ísafjarðarbær, Bolungarvík og Súðavíkurhreppur, Heilbrigðisstofnun Vestfjarða, Heilbrigðisstofnun Vesturlands, Menntaskólinn á Ísafirði, Framhaldsskóladeild Fjölbrautaskóla Snæfellinga (FSN) og Vestfjarðarstofa standa sameiginlega að Öruggari Vestfjörðum.
Skráning hér:
0 CommentsComment on Facebook
Atvik þegar lax slapp úr kvíum í Patreksfirði í ágúst 2023 - Niðurfelling staðfest.
Þann 14. apríl sl., staðfesti ríkissaksóknari ákvörðun Lögreglustjórans á Vestfjörðum að fella niður mál vegna kæru MAST vegna þess atviks er laxar sluppu úr kví nr. 8 í fiskeldisstöð Arctic Sea Farm ehf., (hér eftir ASF) í Patreksfirði, en MAST kærði framkvæmdarstjóra og stjórnarformann ASF. Lögreglustjórinn á Vestfjörðum hafði upphaflega hætt rannsókn málsins, en sú ákvörðun var kærð af MAST og fjölmörgum veiðifélögum og samtökum þeirra og ákvað ríkissaksóknari að rétt væri að málið yrði rannsakað að fullu og síðan tekin ákvörðun. Lögreglan á Vestfjörðum kláraði því rannsókn málsins og síðan var tekin ákvörðun um að fella málið niður þar sem það væri ekki líklegt til sakfellis.
Embættið er ekki vant að tjá sig um niðurstöðu mála, en í þessu máli gengu lögmenn veiðifélaga mjög hart fram í málflutningi sínum í fjölmiðlum um að lögreglustjórinn á Vestfjörðum væri bæði óhæfur lögfræðingur og ekki fær um að taka ákvarðanir í þessu mikilvæga máli og einnig vanhæfur í málinu vegna hagsmuna ASF á Vestfjörðum, sem mátti skilja þannig að lögreglan þyrði ekki að taka ákvarðanir sem gengju gegn ASF.
Í áðurnefndri ákvörðun ríkissaksóknara er tekið undir sjónarmið lögreglunnar og niðurstaðan staðfest. Í henni kemur fram að ríkissaksóknari telur, eins og lögreglan að rannsókn málsins hafi ekki leitt í ljós að kærðu, framkvæmdarstjóri eða stjórnarmenn, hafi með athöfnum sínum eða athafnalaleysi sínu, valdið því, af ásetningi eða gáleysi, að eldisfiskur slapp úr sjókví ASF í Patreksfirði, í ágúst 2023.
Jafnframt staðfesti ríkissaksóknari þá ákvörðun Lögreglustjórans á Vestfjörðum að hafna beiðni Landssambands veiðifélaga um aðgang að gögnum málsins, vegna þess að sambandið hafi ekki sýnt fram á að það hefði slíka lögvarinna hagsmuna að gæta að það eigi rétt á að fá aðgang að gögnum málsins.
Fjölmiðlar hafa frá upphafi sýnt þessu máli mikinn áhuga og tekið viðtöl við forsvarsmenn Landssambands veiðifélaga og forsvarsmenn veiðifélaga eða lögmenn þeirra. Nú þegar endanleg niðurstaða liggur fyrir og ekki hægt að gagnrýna lögregluna lengur, er áhuginn hins vegar mjög lítill, en einungis vefmiðillinn Bæjarins besta á Ísafirði hefur sýnt málinu áhuga og birt fréttir um ákvörðun ríkissaksóknara.
Lögreglustjórinn á Vestfjörðum.
4 CommentsComment on Facebook
Glæsileg niðurstaða Helgi
Fátækur sjómaður hendir 2 lifandi undirmáls fiskum, jú jú honum skal refsað, 21 dags veiðileyfis svipting. 🤔🤔🤔 😡😡😡
Lífið á Visir.is . mbl.is hvaða drullusokksháttur er í vefmiðlunum að skýra ekki frá þessari ákvörðun? Icelandic Wildlife Fund hlýtur nú væntanlega að gera þessu góð skil á sinni síðu með eins dramatískum hætti og þeim einum er lagið.
Skafti og Skapti syndrome hjá yfirvöldum 😂
Snjallsímanotkun og akstur.
Samkvæmt rannsóknum má rekja 12-25% allra umferðarslysa beint til notkunar farsíma við akstur.
Ef ökumaður ekur á 70 km hraða og skrifar skilaboð í 5 sekúndur fer bíllinn 100 metra. Það er jafn mikil vegalengd og tvö vegstikubil.
Ökumaður sem hefur ekki augun á veginum fyrir framan er ekki aðeins að taka áhættu fyrir sjálfan sig heldur líka aðra í umferðinni.
Skjáhætta – Sjóvá og Samgöngustofa
skjahaetta.is
"Ekki taka skjáhættuna" er forvarnarátak og vitundarvakning um hættur við símanotkun undir stýri, á vegum Sjóvá og Samgöngustofu.1 CommentComment on Facebook
Það eru 30 ár síðan ég eignaðist fyrsta farsímann. Ég hef aldrei notað símann í akstri. Tók ákvörðun um það strax að ef ég er að keyra er ég ekki í símanum.
