Lögreglan á Vesturlandi

Lögreglan Vesturlandi

1 degi síðan

Forvarnardagur Fjölbrautaskóla Snæfellinga var haldinn í dag. Eins og í hinum tveimur framhaldsskólunum á Vesturlandi voru Samgöngustofa, lögregla og 112 með fyrirlestra á sal um umferðaröryggi. Fóru svo nemendur og starfsfólk skólans út og fylgdust með vinnu viðbragðsaðila á uppsettum slysavettvangi. Viljum við þakka Slökkviliði Grundarfjarðar, sjúkraflutningum HVE, Samgöngustofu, 112 og nemendum og starfsfólki fjölbrautarskólans fyrir þennan flotta dag. Sérstakar þakkir fá svo leikarar í slysinu og Tómas Freyr Kristánsson fyrir þessar fínu myndir. ... Sjá meiraSjá minna

Lögreglan Vesturlandi

2 vikum síðan

Lögreglan á Vesturlandi tók þátt í Forvarnardegi Menntaskóla Borgarfjarðar í dag ásamt Samgöngustofu, 112, Slökkviliði Borgarfjarðar og sjúkraflutningum HVE. Var dagurinn tileinkaður ungum ökumönnum og umferðaröryggi. Fyrirlestrar voru á sal fyrir nemendur áður en farið var út þar sem nemendur fylgdust með samvinnu lögreglu, slökkviliðs og sjúkraflutninga á vettvangi alvarlegs umferðarslyss sem sett hafði verið upp. Endaði svo dagurinn í spjalli með nemendum yfir ljómandi góðri kjúklingasúpu í boði Menntaskóla Borgarfjarðar. Er von okkar að nemendur hafi notið dagsins og þökkum við þeim kærlega fyrir móttökurnar. ... Sjá meiraSjá minna