Jafnlaunastefna Lögreglustjórans á Vesturlandi
Stefna Lögreglustjórans á Vesturlandi er að allir starfsmenn embættisins njóti jafnra launa og sömu kjara fyrir sambærileg eða jafnverðmæt störf. Enginn ómálefnalegur launamunur skal vera til staðar og skulu laun ákveðin á sama hátt fyrir alla óháð kyni eða kynvitund, sbr. lög um jafna stöðu og jafnan rétt kvenna og karla nr. 10/2008. Einnig skal taka tillit til laga um réttindi og skyldur starfsmanna ríkisins nr. 70/1996.
Til að framfylgja jafnlaunastefnunni skuldbindur embættið sig til að skjalfesta, innleiða, viðhalda og bæta stöðugt stjórnun jafnlaunakerfisins í samræmi við kröfur staðalsins ÍST85 og ákvarða hvernig kröfur hans verða uppfylltar.
Embættið greiðir laun á grundvelli kjara- og stofnanasamninga þar sem launákvarðanir eru skjalfestar, rekjanlegar og rökstuddar. Starfsmönnum er alltaf heimilt að skýra frá launakjörum sínum ef þeir kjósa svo. Jafnlaunastefna er órjúfanlegur hluti launastefnu embættisins.
Lögreglustjóri ber ábyrgð á jafnlaunastefnu embættisins og að henni sé framfylgt.
Til þess að ná því markmiði mun embættið:
Jafnlaunastefnuna má finna hér í heild sinni.
Lögreglan á Vesturlandi verður með æfingar í dag fimmtudag í umdæminu ásamt sérsveit ríkislögreglustjóra og menntastofnun lögreglunnar. Fólk gæti orðið vart við æfinguna en engin hætta stafar af henni. Við vonum að æfingin valdi ekki óþægindum.
Nákvæmlega hvar? Akranesi? Borgarnesi? Stykkishólmi?
Eldur kviknaði í ónýtum bifreiðum á sorphirðusvæði Terra við Akranes fyrr í dag. Mikinn reyk leggur frá svæðinu og er íbúum á Akranesi og í nærliggjandi sveitum ráðlagt að loka gluggum á meðan eldurinn geysar. Hægt gengur að ráða niðurlögum eldsins og ef vindátt breytist kann reyk að leggja yfir bæinn.
Með hækkandi sól eru þeir enn nokkrir sem aka um á nagladekkjum. Þeir ökumenn þurfa að skipta yfir á óneglda hjólbarða. Heimild til þess að aka um á nagladekkjum var til 14. apríl.
Við vitum að í okkar umdæmi hefur verið vetrarfærð á heiðum og við tökum fullt tillit þess ef ökumenn eru á ferðinni við slíkar aðstæður. Hér á suðursvæði lögreglustjórans á Vesturlandi er ekki þörf á nagladekkjum.
Sektin við að aka um á nagladekkjum er 20.000kr á hvern negldan hjólbarða og því 80.000kr ef allt er á nöglum.
