Lögreglan á Vesturlandi

Lögreglan Vesturlandi

1 viku síðan

Gleðilega þjóðhátíð kæru landsmenn 🇮🇸 ungir sem aldnir héldu daginn hátíðlegan þrátt fyrir smá rigningu á Vesturlandi í dag. ... Sjá meiraSjá minna

Lögreglan Vesturlandi

2 mánuðum síðan

Fyrsti samráðsfundur Öruggara Vesturlands var haldinn í gær á Hótel Hamri í Borgarnesi. Fjölmennt var á fundinum og mættu tæplega hundrað mans á fundinn. Samstarfsvettvangurinn um Öruggara Vesturland var settur á stofn á Farsældardeginum 16. maí á síðasta ári. Að samstarfinu standa rúmlega tuttugu aðilar á Vesturlandi, sveitafélög, HVE, menntastofnanir, SSV, Vesturlandspófastdæmi, sýslumaðurinn á Vesturlandi, íþróttasambönd, Lögreglustjórinn á Vesturlandi ofl.
Ríkislögreglustjóri setti fundinn og styður við verkefnið.

Á fundinum var áherslan lögð á umræðu og fyrirlestra um farsæld barna og ungmenna og hvernig samstarfsaðilar verkefnisins geta stutt betur við þau.
Erindi voru frá Hugrúnu Hrönn Kristjánsdóttur, þýðandi bókarinnar Líkaminn geymir allt um tengsl áfalla og fíknar, Bergdísi Wilson, sviðsstjóra Miðstöðvar menntunar og skólaþjónustu um úrræði þeirra Heillaspor, Föruneyti barna og Landsteymið og Þóru Jónsdóttur, sérfræðing hjá SAFT – netöryggismiðstöðinni og Fjölmiðlanefnd um hinn stafræna heim barna.

Á fundinum unnu þátttakendur í hópum með raunhæf dæmi um börn í vanda. Þá var rætt hvernig væri hægt að þróa frekar úrræði fyrir börn á Vesturlandi, hvað væri hægt að gera til að styðja betur við fjölskyldur á svæðinu og hvað mætti gera enn betur.

Bára Daðadóttir, verkefnastjóri farsældarmála hjá Samtökum sveitarfélaga á Vesturlandi: „Samráðsfundurinn sýnir glögglega þann mikla áhuga og vilja sem er til staðar á Vesturlandi til að vinna saman að farsæld barna og ungmenna. Með samstarfi allra þessara aðila getum við unnið markvisst að því að styrkja stuðningsnetið og fjölga úrræðum fyrir börnin okkar og fjölskyldur þeirra.“

Jón Arnar Sigurþórsson, forvarnarfulltrúi og samfélagslögreglumaður hjá lögreglustjóranum á Vesturlandi: “Við hjá lögreglunni höfum þegar fundið hvað Öruggara Vesturland sem lykilþáttur í vinnu okkar að samfélagslöggæslu skiptir miklu máli. Það tengir okkur öll sem komum að velferð barna og ungmenna. Von okkar er að fundurinn í dag muni efla enn frekar samvinnu og upplýsingaflæði milli stofnana og sveitarfélaga til að bæta öryggi og farsæld barna á Vesturlandi.”

Hægt er að hafa samband við samfélagslögregluna á Vesturlandi með því að senda tölvupóst á vesturland@logreglan.is ... Sjá meiraSjá minna