4 Febrúar 2013 12:00
Lögreglan á Suðurnesjum handtók liðlega þrítugan ökumann á Flugvallarvegi um helgina vegna gruns um að hann æki undir áhrifum fíkniefna. Sýnatökur á lögreglustöð staðfestu að hann hefði neytt kannabis, amfetamíns og metamfetamíns. Að auki átti hann eftir að endurtaka ökupróf og var því réttindalaus. Annar ökumaður, sem handtekinn var af sömu ástæðu, reyndist hafa neytt kannabisefna. Þá var tæplega fimmtugur ökumaður stöðvaður vegna gruns um ölvunarakstur. Sá grunur reyndist á rökum reistur og var maðurinn handtekinn og færður á lögreglustöð.