2 Desember 2003 12:00
Afgreiðsla óskilamuna verður í afgreiðslu embættisins í Borgartúni 7b frá og með 2. desember. Óskilamunir munu framvegis falla undir afgreiðsluna og er þá öll starfsemi sem stefnt hefur verið að undanfarna mánuði að sameina undir hatti afgreiðslunnar komin á sinn stað. Í sumar fluttist afgreiðsla og útgáfa skotvopnaleyfa, skemmtanaleyfa og ýmissa annrra leyfa í afgreiðsluna og nú afgreiðsla óskilamuna. Fyrir var afgreiðsla ökuskírteina, æfingaakstursleyfa, P korta fyrir fatlaða og fleira. Rétt er að benda á að afgreiðsla vegabréfa fer ekki fram hjá Lögreglustjóranum í Reykjavík heldur hjá Útlendingastofnun, Skógarhlíð 6.
Símanúmer fyrir afgreiðslu óskilamuna verður það sama og fyrir aðra afgreiðslu eða 569 9030.
Sólmundur Már Jónsson
framkvæmdastjóri rekstrar- og þjónustusviðs
Lögreglustjórans í Reykjavík