16 Maí 2022 11:16
Tuttugu og tveir voru teknir fyrir ölvunar- og fíkniefnaakstur á höfuðborgarsvæðinu um helgina. Tólf þeirra voru stöðvaðir í Reykjavík, sjö í Kópavogi og einn í Hafnarfirði, Garðabæ og á Seltjarnarnesi. Þrír voru teknir á föstudagskvöld, átta á laugardag, níu á sunnudag og tveir aðfaranótt mánudags. Þetta voru nítján karlar á aldrinum 18-46 ára og þrjár konur, 30-58 ára. Þrír þessara ökumanna höfðu þegar verið sviptir ökuleyfi og fjórir hafa aldrei öðlast ökuréttindi. Til viðbótar stöðvaði lögreglan för fjögurra réttindalausra ökumanna og var þeim öllum gert að hætta akstri.
Af öðrum verkefnum helgarvaktarinnar má nefna að fjórtán líkamsárásir voru tilkynntar til lögreglu, þar af fjórar alvarlegar. Þá var farið í þrjú útköll vegna heimilisofbeldis og eitt vegna ráns. Tvær tilkynningar bárust um innbrot og þá komu nokkur fíkniefnamál á borð lögreglu um helgina, en m.a. var ein kannabisræktun stöðvuð í umdæminu og lagt hald á um hundrað kannabisplöntur. Þá voru fjarlægð skáningarmerki af tugum ökutækjum, sem voru ótryggð og/eða óskoðuð. Og að venju voru líka fjölmörg mál þar sem aðstoða þurfti fólk sem var ölvað og/eða í annarlegu ástandi.