Jafnlaunastefna embættis Lögreglustjórans á Suðurlandi
Lögreglustjórinn á Suðurlandi ábyrgist að jafnlaunastjórnunarkerfi embættisins sé í samræmi
við lög um jafna stöðu og jafnan rétt kvenna og karla nr. 10/2008. Embættið greiðir laun eftir
umfangi og eðli starfa og tekur mið af þeim kröfum sem þau gera óháð kyni. Launaákvarðanir
eru byggðar á kjara- og stofnanasamningum, studdar rökum og tryggja að sömu laun séu
greidd fyrir sömu eða jafnverðmæt störf. Bregðast skal við með stöðugum umbótum ef
óútskýrður kynbundinn launamunur kemur í ljós. Jafnlaunastjórnunarkerfið nær til alls
starfsfólks.
Yfirlögregluþjónn rannsóknardeildar er fulltrúi stjórnenda varðandi jafnlaunastjórnunarkerfi
og er ábyrgur fyrir innleiðingu og viðhaldi þess.
Með innleiðingunni skuldbindur embættið sig til þess að:
– Innleiða vottað jafnlaunastjórnunarkerfi, skjalfesta og viðhalda í samræmi við
staðalinn ÍST 85.
– Fylgja viðeigandi lögum, reglum og kjarasamningum sem í gildi eru hverju sinni.
– Framkvæma árlega launagreiningu þar sem borin eru saman sömu eða
jafnverðmæt störf til að ganga úr skugga um hvort óútskýrður kynbundinn
launamunur sé til staðar.
– Kynna starfsfólki niðurstöður launagreiningar sem er til úttektar árlega.
– Bregðast við frávikum, athugasemdum og ábendingum með stöðugum umbótum
og eftirfylgni.
– Framkvæma innri úttekt árlega.
– Halda rýnifund stjórnenda árlega þar sem jafnlaunamarkmið eru sett fram og
rýnd.
– Birta stefnuna á innri vef og kynna hana öllu starfsfólki.
– Tryggja aðgengi almennings að stefnunni á vefsíðunni www.logreglan.is.
Jafnlaunastefna er jafnframt launastefna.
19.11.2020
____________________________________
Lögreglustjórinn á Suðurland
Fyrr í dag lagði lögreglustjórinn á Suðurlandi fram kröfur fyrir héraðsdómi Suðurlands um framlengingu gæsluvarðhalds yfir tveimur einstaklingum vegna rannsóknar á meintri fjárkúgun, frelsissviptingu og manndrápi. Alls sæta sjö aðilar, fjórir karlmenn og þrjár konur, gæsluvarðhaldi vegna málsins.
Hinn látni hét Hjörleifur Haukur Guðmundsson, búsettur í Þorlákshöfn. Hjörleifur var 65 ára þegar hann lést.
0 CommentsComment on Facebook
Fyrr í dag féllst héraðsdómur Suðurlands á kröfu lögreglustjórans á Suðurlandi um áframhaldandi gæsluvarðhald yfir þremur einstaklingum í máli sem varðar meinta fjárkúgun, frelsissviptingu og manndráp.
Í gærkvöld féllst héraðsdómur Suðurlands einnig á kröfu lögreglustjórans á Suðurlandi um gæsluvarðhald yfir einum einstaklingi. Það er sjöundi einstaklingurinn sem úrskurðaður hefur verið í gæsluvarðhald vegna málsins.
0 CommentsComment on Facebook
Lögreglustjórinn á Suðurlandi hefur lagt fram kröfu fyrir héraðsdómi Suðurlands um framlengingu gæsluvarðhalds yfir þremur einstaklingum vegna rannsóknar á meintri fjárkúgun, frelsissviptingu og manndrápi. Lögreglustjórinn á Suðurlandi hefur einnig lagt fram kröfu um gæsluvarðhald yfir einstaklingi sem handtekinn var í gærkvöld en þá hafa alls verið gerðar kröfur um gæsluvarðhald yfir sjö einstaklingum í málinu.
Rannsókn málsins miðar vel og nýtur lögreglustjórinn á Suðurlandi aðstoðar frá embættum ríkislögreglustjóra, lögreglustjórans á höfuðborgarsvæðinu og héraðssaksóknara.
0 CommentsComment on Facebook
