Lögreglan á Suðurlandi

Lögreglan á Suðurlandi

1 degi síðan

Nú í vikunni hafa aðstæður til aksturs verið mjög mismunandi. Víða á Suðurlandi verið mikil og skyndileg hálka. Því er vert að beina því til vegfarenda að fara varlega.

Frá því á mánudag eru sjö umferðaróhöpp skráð hjá lögreglunni og í fjórum tilfellum verið um slys á fólki að ræða. Umfangsmesta slysið var í Suðursveit, þar sem rúta valt og fjallað hefur verið um áður á þessari síðu.

Tvö vinnuslys eru skráð.

Sjö ökumenn voru kærðir fyrir of hraðan akstur og sá sem hraðast ók var á 133 km/klst á Mýrdalssandi.

Fimm ökumenn voru stöðvaðir, grunaðir um vímuakstur, þrír grunaðir um akstur undir áhrifum ávana- og fíkniefna og tveir um ölvunarakstur.

Nú í vikunni hefur verið sérstök áhersla á notkun öryggis- og varnarbúnaðar í bifreiðum og ökumenn verið kærðir fyrir það. Af öðrum málum er að segja að ökumenn hafa verið kærðir fyrir að vera ekki með ljósabúnað í lögmætu ástandi, verið með hélaðar rúður og atvinnubílstjórar kærðir fyrir brot á reglugerð um stærð og þyngd ökutækja og fyrir ranga notkun ökurita. ... Sjá meiraSjá minna

Lögreglan á Suðurlandi

3 dögum síðan

Uppfært kl 19:47

Vegurinn hefur verið opnaður fyrir umferð að nýju.

Viðbragðsaðilar eru komnir á vettvang og betur fór en á horfðist. Enginn slasaðist alvarlega í þessu slysi og hafa allir verið fluttir af vettvangi í skjól. Veginum verður lokað rétt á meðan frekari vettvangsvinna heldur áfram.

Tildrög slyssins er í rannsókn hjá lögreglunni á Suðurlandi.

Umferðarslys varð nú á sjöunda tímanum á Þjóðvegi 1 austan við Hala í Suðursveit, þar fór rúta með um 20 manns út af veginum. Viðbragðsaðilar eru að lenda á vettvangi, en veginum hefur verið lokað á meðan staðan er metin. Ekki er vitað um ástand farþega, en verið er að meta það.

Gríðarleg hálka er á vettvangi.

Við munum uppfæra þessa frétt þegar frekari upplýsingar berast. ... Sjá meiraSjá minna