31 Október 2011 12:00
Um helgina voru átta ökumenn teknir á höfuðborgarsvæðinu fyrir að aka undir áhrifum fíkniefna. Fimm þeirra voru stöðvaðir í Reykjavík, tveir í Garðabæ og einn í Kópavogi. Einn var tekinn á föstudagskvöld, fjórir á laugardag og þrír á sunnudag. Þetta voru allt karlar en þeir eru á aldrinum 19-31 árs. Þrír þeirra höfðu þegar verið sviptir ökuleyfi og einn hefur aldrei öðlast ökuréttindi. Fíkniefni fundust í þremur bílanna.