Lögreglustöðin í Neskaupstað
Melagata 2a
740 Neskaupstað
Þjónustusími: 444 0620
Netfang: austurland@logreglan.is
Fax: 444 0601
Tilkynning frá aðgerðastjórn á Austurlandi, – COVID-19
Síðastliðinn sólarhring greindust um 20 ný smit á Austurlandi, langflest þeirra á Reyðarfirði og í Neskaupstað. Það er því viðbúið að fleiri smit greinist næstu daga þar sem enn er töluverður fjöldi í sóttkví. Áfram er því mikilvægt að íbúar Austurlands fari í sýnatöku við minnstu einkenni eða grun um útsetningu smits.
Nú hafa tekið gildi nýjar mildari reglur um sóttkví þríbólusettra og þeirra sem eru tvíbólusettir og hafa jafnað sig af staðfestu COVID-19 smiti. Vert er að árétta að það gildir almennt ekki um börn á grunnskólaaldri enda hafa þau ekki verið þríbólusett. Hið sama á við um yngsta aldurshópinn 5-11 ára sem er rétt að hefja fyrri bólusetninguna. Það hefur borið á misskilning varðandi fyrrgreint atriði og rétt því að árétta hér. Um þessa mildari sóttkví má lesa á; www.covid.is/undirflokkar/sottkvi
Vegna áhrifa farsóttarinnar hefur Heilbrigðisstofnun Austurlands þurft að grípa til mjög hertra aðgerða til að verjast þjónusturofi, en nokkrir starfsmenn HSA og aðrir sem í umboði HSA sinna sýnatöku hafa ýmist lent í einangrun eða sóttkví. Stofnunin hefur því m.a. gripið til þess ráðs að eiga símtal við alla þá sem óska þjónustu heilsugæslunnar áður en ákveðið er hvort viðkomandi komi inn á starfsstöð HSA. Þessu hefur fólk almennt tekið vel. Fyrir það þakkar HSA og vonast eftir áframhaldandi góðri samvinnu.
www.covid.is
Þau sem gætu hafa smitast en hafa ekki verið greind eru send í sóttkví. Hvernig virkar þessi mikilvæga leið til að hindra útbreiðslu COVID-19?
Tilkynning frá aðgerðastjórn á Austurlandi, – COVID-19
Í síðustu tilkynningum aðgerðastjórnar hefur endurtekið verið lögð rík áhersla á mikilvægi sýnatöku almennt en sérstaklega hefur orðum aðgerðastjórnar verið beint til þeirra sem hafa einkenni eða telja sig útsetta fyrir smiti . Viðbrögð hafa verið virkilega góð og þátttaka í sýnatöku mikil. Í dag sunnudag voru tekin 239 sýni á Egilsstöðum og Reyðarfirði auk þess sem sýnataka var á Vopnafirði. Þáttaka þessi er afar jákvæð og ekki síður að úr einangrun síðastliðna daga útskrifuðust fleiri einstaklingar en þeir sem greindust með smit. Þeim fækkar því sem eru í einangrun vegna smita, en þeir nú 105 á Austurlandi. Þessi þróun bendir til að takast muni að ná böndum á þeirri slæmu þróun í smitbylgjunni sem uppi var fyrir nokkrum dögum hér eystra.
Reiknað er með að Eskifjarðarskóli, Grunnskóli Reyðarfjarðar og Nesskóli sem lokaðir voru á föstudag opni á morgun mánudag 17. janúar. Takmarkanir verða þó í Nesskóla vegna sóttkvía og einangrunar þar. Sendar verða út tilkynningar á Mentor sem foreldrar og forráðamenn grunnskólabarna í þessum áðurgreindum skólum eru beðnir að fylgjast vel með og kynna sér um skólastarfið framundan.
Sú jákvæða þróun sem að framan er lýst byggir á samstilltu átaki alls og allra í samfélaginu okkar á Austurlandi. Aðgerðastjórn þakkar íbúum góð viðbrögð og þátttöku í persónulegum smitvörnum og treystir á áframhaldandi góða samvinnu. Í hönd fer tími þorrablóta sem er tengdur samveru og hópamyndun í hugum okkar margra. Í því sambandi skal minnt á gildandi hópatakmörk við 10 manns og það að virða þau mörk er mjög mikilvæg sóttvarnaaðgerð.
Þess má geta að leikskólinn á Djúpavogi verður með hefðbundum ætti eftir að hafa verið bæði lokaður og með skerta starfsemi í síðustu viku. Það virðist hafa farið framhjá aðgerðarstjórn sem hefur ekkert minnst á Djúpavog í sínum tilkynningum þrátt fyrir að hér hafi t.d. verið skimað á heilsugæslunni sl viku í fyrsta sinn frá því að faraldurinn hófst.
Náðu sýnin sem tekin voru í morgun suður í dag?
Tilkynning frá aðgerðastjórn á Austurlandi, – COVID-19
Ljóst er að tafir verða á niðurstöðum úr sýnatöku gærdagsins þar sem flugi síðdegis frá Egilsstöðum til Reykjavíkur í gær kl. 16 var aflýst. Sýnin verða því greind í dag og von er á niðurstöðum seint í dag eða í kvöld. Á morgun, sunnudaginn 16. janúar, er opið í sýnatöku á Reyðarfirði kl. 10 – 11 og Egilsstöðum kl. 12 – 13:30. Á Vopnafirði verður sýnataka kl. 13:00 í bílskúrnum við Heilsugæsluna. Við hvetjum alla þá sem eru með einkenni eða telja sig hafa verið útsettir fyrir smiti, að fara í sýnatöku og halda sig til hlés á meðan beðið er eftir niðurstöðum. Fólk skráir sig í sýnatöku á heilsuvera.is
Aðgerðastjórn hvetur sem fyrr alla til að kynna sér nýjar og nokkuð breyttar sóttvarnaraðgerðir sem tóku gildi á miðnætti í gær. Um þær má lesa almennt, skoða reglugerðina og lesa minnisblað Þórólfs Guðnasonar sóttvarnalæknis á hlekknum: Stjórnarráðið | COVID-19: Almennar samkomutakmarkanir hertar á miðnætti (stjornarradid.is)
Aðgerðastjórn mun næst senda út tilkynningu síðari hluta dags á morgun, sunnudag.
stjornarradid.is
Vefur Stjórnarráðs Íslands. Upplýsingar um ráðuneyti og verkefni þeirra auk frétta. Einnig upplýsingar um ríkisstjórn og fleira sem snertir Stjórnarráðið.
