Lögreglustöðin Fáskrúðsfirði
Skólavegur 53
750 Fáskrúðsfjörður
Þjónustusími: 444 0660
Netfang: austurland@logreglan.is
Fax: 444 0601
Ríkislögreglustjóri í samráði við lögreglustjórann á Austurlandi og Veðurstofu Íslands aflýsir óvissustigi á Austurlandi vegna skriðuhættu. Mikið rigndi í nóvember og var óvissustig sett á 23. nóvember síðastliðinn. Grunnvatnsstaða var þá víða há og spáð áframhaldandi rigningu. Frá því á föstudaginn hefur vatnsyfirborð lækkað í borholum og veðurspá gerir ráð fyrir því að þurrt verði á Austurlandi í dag og þriðjudag. Á miðvikudag rignir, mest á sunnanverðum Austfjörðum, þar sem úrkoma gæti orðið rúmir 50 mm til fjalla. Frá fimmtudegi og fram yfir helgi er spáð lítilli úrkomu.
Áfram þarf að fylgjast vel með aðstæðum á meðan grunnvatnsstaða er há. Lítil skriðuvirkni hinsvegar, minnkandi hreyfing og lækkandi grunnvatnsstaða þar sem hún er mæld verður til þess að óvissustigi er nú aflétt.
Óvissustigi aflétt á Austurlandi
www.logreglan.is
Ríkislögreglustjóri í samráði við lögreglustjórann á Austurlandi og Veðurstofu Íslands aflýsir óvissustigi á Austurlandi vegna skriðuhættu. Mikið rigndi í nóvember og var óvissust...
Á bloggsíðu Veðurstofu frá í dag um veðurhorfur á Austurlandi og mat á aðstæðum á Seyðisfirði, kemur fram að úrkoma síðasta sólarhring var ekki nema 7-8 mm samkvæmt úrkomumælum í Seyðisfirði.
„Almennt hafa hreyfingarnar ekki verið miklar, mest tæpir 10 cm í Búðarhrygg frá því í byrjun nóvember, og ekki gefið tilefni til aðgerða. Utan hryggjarins hefur hreyfing verið mun minni og hefur dregið úr henni í nótt frá því sem verið hefur síðustu daga.
Rigning verður fyrir austan í dag. Veðurspá gerir ráð fyrir um 20 mm á Seyðisfirði í úrkomunni fram á kvöld. Þurrt verður á mánudag og þriðjudag.
Vatnshæð hefur lækkað í öllum borholum síðan á föstudag nema einni.
Vinna í lækjum og skriðufarvegum eða umferð fólks við farvegi eða á göngustígum meðfram skriðufarvegum er ekki æskileg. Þetta á sérstaklega við um Búðará þar sem hryggurinn innan við upptök skriðunnar frá 2020 er á hreyfingu og yfirborðsjarðlög kunna að vera óstöðug og smáspýjur gætu fallið.“
Sjá og hér; blog.vedur.is/ofanflod/2022/11/27/seydisfjordur-27-11-2022/
Á bloggsíðu Veðurstofu frá í dag vegna óvissustigs á Austfjörðum vegna úrkomu og skriðuhættu kemur fram að töluvert rigndi á miðvikudag og fimmtudag. Grunnvatnsstaða er há þar sem hún er mæld, á Seyðisfirði og Eskifirði, og má gera ráð fyrir að hún sé almennt há í landshlutanum.
Sérstaklega er fylgst með skriðuhættu á Seyðisfirði með vöktunarbúnaði sem þar hefur verið komið upp. Nú í nóvember hefur mælst hreyfing í Neðri-Botnum og Þófa. Mesta hreyfingin hefur verið á Búðarhrygg, en þar voru miklar hreyfingar síðasta haust. Hreyfingar utan hryggjarins hafa verið mun minni en jukust þó í rigningunni í lok vikunnar. Almennt hafa hreyfingarnar ekki verið miklar, mest rúmir 7 cm í Búðarhrygg frá því í byrjun nóvember, og ekki gefið tilefni til aðgerða.
Einnig er fylgst með aðstæðum á Eskifirði en óverulegar hreyfingar hafa mælst á aflögunarmælum síðustu vikur.
Veðurspár gera ráð fyrir að úrkomuskil gangi yfir Austfirði í tvígang um helgina, síðdegis í dag og aftur í fyrramálið en að búast megi við mun minni úrkomu heldur en á fimmtudaginn. Eftir það er ekki útlit fyrir teljandi úrkoma aftur fyrr en á miðvikudagsmorgun. Sjá og hér;
