Lögreglustöðin á Djúpavogi
Bakka 3
765 Djúpivogur
Þjónustusími: 444 0665
Netfang: austurland@logreglan.is
Fax: 444 0601
Tilkynning frá aðgerðastjórn á Austurlandi, – COVID-19
Engin staðfest smit hafa nú greinst á Austurlandi undanfarna þrjá sólarhringa. Þau eru sjö talsins í heildina. Vel hefur gengið að fá niðurstöðu úr sendum sýnum og flöskuháls sem þar var ekki lengur til staðar.
Áttatíu og einn einstaklingur er í sóttkví. Þeim fækkað um sautján frá í gær þegar þeir voru níutíu og átta.
Skimun á vegum Íslenskrar erfðagreiningar og Heilbrigðisstofnunar Austurlands er nú í gangi. Gert var ráð fyrir þúsund skimunum í upphafi sem fram færu í dag og á morgun. Ákveðið var að bæta einum degi við og skima á mánudag einnig. Fjöldi skimaðra á Austurlandi því fimmtán hundruð í heildina þegar yfir lýkur.
Sýni hafa þegar verið send með flugi til greiningar úr skimun frá í morgun. Fyrstu niðurstaðna er að vænta á mánudag, hugsanlega á morgun ef vel gengur. Þeim ætti svo að vera lokið um eða upp úr miðri næstu viku. Niðurstöður verða kynntar um leið og þær berast.
Tilkynning frá aðgerðastjórn á Austurlandi, – COVID-19
Smit hefur ekki komið upp á Austurlandi undanfarna tvo sólarhringa. Þau eru alls sjö talsins.
Í sóttkví eru 98 einstaklingar og hefur þeim þá fækkað um 52 frá því í gær.
Á sama tíma og við höfum ástæðu til að gleðjast yfir hlutfallslega fáum smitum hér á Austurlandi þykir aðgerðastjórn rétt að árétta að skjótt geta veður skipast í lofti. Við þurfum því sem fyrr og í sameiningu að fylgja öllum leiðbeiningum í hvívetna. Er þar meðal annars vísað til ábendinga Almannavarna og sóttvarnalæknis um að halda ekki til fjalla og að láta sumarbústaðaferðir eiga sig. Hvorutveggja getur lagt þá stöðu sem við búum við í tvísýnu.
Aðgerðastjórn áréttar einnig að íbúar fækki ferðum sem mest í matvöruverslanir og geri þá stærri innkaup í hverri ferð. Þá er brýnt að fylgja leiðbeiningum í verslunum svo og frá starfsfólki enda er álag þar mikið og ekki meira á þá starfsemi leggjandi.
Höldum ró okkar en einnig vöku, styðjum hvert annað og hjálpumst að í þessari baráttu hér eftir sem hingað til
Tilkynning frá aðgerðastjórn á Austurlandi, – COVID-19
Enginn greindist með smit á Austurlandi síðasta sólarhringinn. Þá hefur orðið nokkur fækkun þeirra sem eru í sóttkví líkt og nefnt var í pistli gærdagsins að væri fyrirsjáanlegt, en þeir eru nú 150 samanborið við 202 í gær. Skýrist það að mestu af fjölda flugfarþega sem komu erlendis frá og eru nú lausir úr sóttkví fjórtán dögum síðar.
Íslensk erfðagreining býður íbúum Austurlands upp á skimun fyrir Covid-19 laugardaginn 4. apríl og sunnudaginn 5. apríl. Að lokinni skimun verður svar birt á vefnum heilsuvera.is Hringt verður í alla sem reynast jákvæðir.
Aðgerðastjórn hvetur íbúa til að nýta sér ofangreint jafnframt því sem hvatt er til varkárni sem fyrr, að fylgja öllum leiðbeiningum um smitvarnir í hvívetna. Vísar hún þar sérstaklega til samkomubanns, tveggja metra fjarlægðarreglu og handþvotts.
Lítið þarf til svo smit eigi sér stað og því megum við ekki slaka á árvekni okkar, jafnvel þó smit séu hlutfallslega fá í fjórðungnum. Höldum því þannig.
Heilsuvera - Vefur fyrir almenning um heilsu og áhrifaþætti hennar | Heilsuvera
heilsuvera.is
Heilsuvera er vefur fyrir almenning um heilsu og áhrifaþætti hennar. Inn á mínum síðum er öruggt vefsvæði þar sem hægt er að eiga í samskiptum við starfsfólk heilbrigðisþjónustunnar...Takk fyrir upplýsingar. Gott að vita þetta. !!!!!!
Hvað tekur langan tíma að fá ut ur sýnum? Ca.
Eru öll smitin sem hafa greinst hér á Austurlandi rekjanleg?