Meðfylgjandi til kynningar er stefna lögreglunnar á Austurlandi til næstu tólf mánaða, töluleg viðmið hennar fyrir árið 2025 og helstu tölur áranna 2015 til 2024. Stefnan byggir á reynslu fyrri ára, markmiðum og áherslum í málaflokkum sem hún telur mikilvæga.
Stefnan er gefin út opinberlega á hverju ári. Markmiðið er að gera störf lögreglunnar sýnileg og skapa umræðu um áherslur hennar og viðmið.
Lykilmarkmið embættisins er að auka öryggi og öryggistilfinningu íbúa. Til að ná því er lögð áherslu á samstarf við hagaðila, markvissa greiningu gagna, sýnilega löggæslu, forvarnir, frumkvæðisvinnu og þjálfun og menntun lögreglumanna.
Stefnuna má finna hér.
Meðfylgjandi eru bráðabirgðatölur um helstu brot og verkefni hjá lögreglunni á Austurlandi fyrstu sex mánuði ársins 2025. Tölur áranna 2015 til 2024 eru til samanburðar:
Hegningarlagabrot eru skráð jafnmörg og í fyrra. Þau eru nokkuð yfir meðaltali síðustu ára.
Kærum vegna umferðarlagabrota fjölgar miðað við síðustu tvö ár.
Skráð fíkniefnabrot eru heldur fleiri en síðustu þrjú ár og yfir meðaltali síðustu ára.
Skráðum umferðarslysum fjölgar frá í fyrra en eru svipuð að fjölda og árin 2022 og 2023.
Heimilisofbeldismál hafa ekki verið skráð færri frá árinu 2019. Ágreiningsmálum milli skyldra og tengdra hinsvegar fjölgar.
---------
Tölur þessar kynntar í samræmi við stefnu embættisins um upplýsingamiðlun, gagnsæi, samtal og samstarf. Tölurnar má sjá hér að neðan.
1 CommentComment on Facebook
Þessi upplausnarástand á upplausninni í þessari mynd 👀
Að gefnu tilefni er athygli foreldra og forráðamanna vakin á breytingum sem gerðar voru á umferðarlögum á síðasta ári þar sem börnum yngri en 13 ára var gert óheimilt að aka rafhlaupahjólum (smáfarartækjum).
Um þetta meðal annars er fjallað í sjöunda kafla umferðarlaga um reiðhjól og smáfarartæki sem upplagt er fyrir foreldra og forráðamenn að fara yfir með börnum sínum, meðal annars hvað varðar hjálmaskyldu og fleira. www.althingi.is/lagas/nuna/2019077.html
Gerum þetta saman og leggjum okkar af mörkum til að allir komist heilir heim.
www.althingi.is
Skrifstofa Alþingis - Hafa samband, 101 Reykjavík, Sjá á korti , Kt. 420169-3889 ,[email protected] Sími 563 0500, Skiptiborðið er opið kl. 9–16 mánudaga til föstudaga. Persónuverndarste...0 CommentsComment on Facebook
Unnið er að því að opna fyrir umferð um Norðfjarðarveg undir eftirliti. Ökumenn eru beðnir um að fara varlega um veginn engu að síður. Þeim er þökkuð þolinmæðin.
0 CommentsComment on Facebook
