Lögreglustjóri ber ábyrgð á launastefnu embættisins. Hann ber einnig ábyrgð á jafnlaunastefnu og að lagalegum kröfum og kröfum Jafnlaunastaðalsins ÍST 85:2012 sé framfylgt. Yfirlögregluþjónn er tilnefndur fulltrúi lögreglustjóra varðandi jafnlaunakerfið.
Embættið greiðir laun eftir umfangi og eðli starfs og tekur mið af kröfum sem störf gera um þekkingu, hæfni og ábyrgð.
Forsendur launaákvarðana eru að þær séu í samræmi við lög, reglur og kjara- og stofnanasamninga, studdar rökum og tryggt að sömu laun séu greidd fyrir sambærileg eða jafn verðmæt störf.
Gæta skal að því við ákvörðun launa og annarra starfskjara og hlunninda að ekki sé mismunað á grundvelli kyns, eða að önnur ólögmæt mismunun eigi sér stað á grundvelli persónubundinna atriða eða annarra ólögmætra þátta. Jafnræðis skal gætt við úthlutun verkefna, tilfærslur í störfum, tækifæri til símenntunar, veitingu tækifæra til að axla ábyrgð og ákvarðana varðandi framgang í störfum og uppsagnir.
Tryggja skal öllum jafna möguleika til starfa, ábyrgðar, launa, stöðuhækkana, endurmenntunar og starfsþjálfunar.
Launastefnan samræmist mannauðsstefnu embættisins/lögreglu.
Stjórnendur leggja áherslu á sífelldar umbætur, eftirlit og viðbrögð og starfsmenn hvattir til að koma þar að málum.
Umfang og eðli starfs hefur áhrif á laun og ræðst fyrst og fremst af fjórum þáttum, hæfni, ábyrgð, álagi og vinnuaðstæðum en einnig af persónubundnum þáttum; viðbótarmenntun er nýtist í starfi, sérstöku bakvaktarálagi, þjálfun og handleiðslu.
Starfslýsingar skulu vera til um öll störf embættisins. Þar skulu koma fram allir meginþættir starfs, svo sem kröfur um menntun, hæfni, reynslu og þá ábyrgð sem í starfinu felst auk upplýsinga um starfaflokk samkvæmt stofnanasamningi.
Ákvarðanir um launabreytingar eru teknar af lögreglustjóra, sem fer yfir laun allra starfsmanna embættisins árlega til að tryggja að samræmis sé gætt í launagreiðslum.
Starfsmenn geta fengið viðtal við lögreglustjóra um endurskoðun launa. Telji lögreglustjóri þörf á endurskoðun að loknum fundi hefur hann samráð við yfirlögregluþjón og skrifstofustjóra um framhald málsins.
Markmið embættisins er að tryggja öllum starfsmönnum jöfn laun og sömu kjör fyrir sömu eða jafn verðmæt störf. Tryggja skal öllum jafna möguleika til starfa, ábyrgðar, launa, stöðuhækkana, endurmenntunar og starfsþjálfunar.
Til að ná þessum markmiðum skal embættið:
Innleiða jafnlaunakerfi, skjalfesta og viðhalda því.
-Framkvæma árlega launagreiningu þar sem borin eru saman sömu eða jafnverðmæt störf til að greina hugsanlegan kynbundinn launamun og kynna starfsfólki helstu niðurstöður.
Bregðast við frábrigðum sem fram koma með stöðugum umbótum og eftirliti.
Árlega verði gerð innri úttekt og að verkefnastjórn rýni stöðuna á jafnlaunakerfinu og aðgerðaráætlun verði yfirfarin og uppfærð eftir þörfum.
Fylgja viðeigandi lögum, reglum og kjarasamningum sem í gildi eru á hverjum tíma og staðfesta hlítni við lög.
Jafnlaunastefnan verði árlega kynnt öllu starfsfólki og hún gerð aðgengileg öllum á vefsíðu LAL.
Lögreglustjóri ber ábyrgð á launastefnu embættisins. Hann ber einnig ábyrgð á jafnlaunastefnu og að lagalegum kröfum og kröfum Jafnlaunastaðalsins ÍST 85:2012 sé framfylgt. Yfirlögregluþjónn er tilnefndur fulltrúi lögreglustjóra varðandi jafnlaunakerfið.
Hvítasunnuhelgin gekk vel og var almennt tíðindalaus. Skráð umferðarlagabrot voru þó fjörutíu talsins frá því á föstudag, þar af tuttugu og sex vegna hraðaksturs. Nokkuð var og um ólöglega lagningu ökutækja.
Lögregla hvetur að þessu sögðu ökumenn til að fara varlega í umferðinni, fylgja í hvívetna þeim reglum er um hana gilda og stuðla þannig að auknu öryggi okkar vegfarenda allra.
Veðrið leikur við okkur Austfirðinga næstu daga, hiti og sól í kortunum. Lögregla vekur því sérstaka athygli þeirra er ekki hafa tekið bíla sína af nagladekkjum, að gera það hið fyrsta svo ekki komi til afskipta.
Það þarf líka að kveikja ljósin þó komið sé sumar. Ekki er nóg að hafa ljósin bara stillt á auto því þá eru engin ljós að aftan.
Fagridalur er nú lokaður vegna veðurs. Umferðaróhapp varð þar í morgun er bifreið fauk á hliðina. Þrír voru um borð en allir óslasaðir. Tilkynningar hafa borist um lausamuni að fjúka og þakplötur að losna. Ekkert ferðaveður á austfjörðum núna, Vegurinn um Vatnsskarð eystra einnig lokaður og lokað milli Djúpavogs og Hafnar.
Bíðum þar til veðri slotar.
Spáð er norðvestan stormi á Austfjörðum að morgni næstkomandi laugardags. Lausamunir gætu þá farið á ferðina. Rétt því að gera viðeigandi ráðstafanir. Ekkert ferðaveður verður á þessum tíma. www.vedur.is/vidvaranir
Einn veðurskafl er því enn eftir sem við þurfum að klofa yfir hér austanlands, vonandi sá síðasti að sinni. Blíðskaparveður tekur svo við í næstu viku, sumarveður, með hita allt að 20 gráðum!
vedur.is | Viðvaranir | Veðurstofa Íslands
www.vedur.is
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350 Hafa samband | Starfsfólk | Notkunarskilmálar | Veftré | Spurt og svarað um vefinn | Persónuv...
