Umferðarslys á höfuðborgarsvæðinu

4 Febrúar 2019 13:20
Síðast uppfært: 4 Febrúar 2019 klukkan 13:48

Í síðustu viku slasaðist einn vegfarandi í umferðarslysi á höfuðborgarsvæðinu. Tímasetningar, aðdragandi og orsakir slysanna sem urðu vikuna 27. janúar – 2. febrúar.

Föstudaginn 1. febrúar kl. 11 var bifreið ekið norður Reykjanesbraut, utan í vegrið gegnt Vífilsstöðum og síðan utan í bifreið, sem var ekið samhliða henni norður brautina. Ökumaðurinn var fluttur á slysadeild.

Enn sem fyrr er ástæða til að vekja athygli allra vegfaranda á mikilvægi þess að fara ávallt varlega í umferðinni. Það á ekki síst við um ökumenn – hvort sem um er að ræða bifreiða eða reiðhjóla.