2 Maí 2008 12:00
Umsóknarfrestur um skólavist í Lögregluskóla ríkisins á haustönn 2008 og vorönn 2009 rann út þann 1. maí s.l. 86 gildar umsóknir bárust, þær skiptast þannig að karlar eru 56 og konur 30. 25 karlar eru með stúdentspróf og 11 konur, 3 karlar og 5 konur hafa lokið háskólanámi. Skipting milli landsbyggðar og höfuðborgarsvæðis er höfuðborgarsvæðinu heldur í hag eða 50 á móti 36. Nám og reynsla umsækjenda er margvísleg og gefur gott þversnið af þjóðfélaginu. Meðalaldur umsækjenda er rúmlega 25 ár.
Nú verða allar umsóknirnar metnar, skoðaðar betur og nauðsynlegra gagna aflað. Valnefnd Lögregluskóla ríkisins fundar föstudaginn 9. maí n.k. þar sem nefndin fer yfir öll gögn. Eftir helgina fá allir umsækjendur bréf þar sem fram kemur hvenær þeir eiga að mæta til inntökuprófa en þau verða á tímabilinu 19. 22. maí.
Minnt er á að umsækjendur eiga nú þegar að hafa sent læknisvottorð til Heilsuverndarstöðvarinnar, Barónsstíg 47, 101 Reykjavík.