22 Júní 2011 12:00
Embætti ríkislögreglustjóra hefur verið úthlutað 33 milljónum samkvæmt samgönguáætlun og umferðaröryggisáætlun Alþingis til að halda uppi umferðareftirliti á þjóðvegum landsins í sumar. Um er að ræða aukið umferðareftirlit til við bótar því hefðbundna sem embættin halda úti hvert í sínu umdæmi. Í eftirlitinu er lögð sérstök áhersla á hraðakstursbrot og notkun bílbelta.
Við skiptingu fjármagnsins á milli lögregluembætta var stuðst við svartblettagreiningu Vegagerðarinnar. Þar kemur fram hvaða vegir eru taldir hættulegri en aðrir og því gæti verið meiri slysahætta á þeim vegum þegar ekið er yfir hámarkshraða. Lögð er áhersla á að tryggja sem best löggæslu á þjóðvegum landsins, ekki síst þar sem um miklar vegalengdir og varasamt landssvæði er um að ræða. Þá hefur ríkislögreglustjóri jafnframt lagt mikla áherslu á að styrkja lögregluembættin á landsbyggðinni.
Þetta aukna umferðareftirlit stendur yfir frá júní fram í september .
Meðfylgjandi er listi yfir skiptingu fjarmagnsins til lögregluembættanna.
Embætti
Úthlutað 2011
Höfuðborgarsvæðið
3.688.798
Suðurnes
4.104.870
Selfoss
4.350.000
Hvolsvöllur
3.755.934
Eskifjörður
2.000.000
Seyðisfjörður
1.696.720
Húsavík
1.300.000
Akureyri
3.500.000
Sauðárkrókur
750.000
Blönduós
3.500.000
Snæfellsnes
603.678
Akranes
750.000
Borgarnes
3.000.000
Alls =
33.000.000