29 Janúar 2013 12:00
Kl.12:12 í dag barst tilkynning frá Neyðarlínunni um að eldur væri laus í tilteknu íbúðarhúsi á Hólmavík. Slökkvilið og lögregla fór þá þegar á vettvang. Eldur logaði í bárujárnsklæddu timburhúsi. Tveir íbúar tilheyra húsinu. Annar þeirra var heima þegar eldsins varð vart en hinn kom aðvífandi. Hvorugan íbúann sakaði. Slökkvistarfi lauk kl.14:12.
Húsið er mjög mikið skemmt. Eldsupptök eru rakin til matseldar.