6 Júní 2007 12:00
Eins og áður hefur komið fram í fréttum var kveiktur eldur í timbri í porti þjónustumiðstöðvar Vestmannaeyjarbæjar, þann 4. júní s.l. Þótti strax ljóst af ummerkjum að þarna hafi verið um íkveikju að ræða. Hóf lögregla þegar rannsókn á brunanum.
Fljótlega fóru böndin að berast að ungum drengjum, á 14. ári, sem sést höfðu við vettvang um það leyti sem eldurinn kviknaði. Var rætt við drengina og viðurkenndu þeir að hafa kveikt eldinn. Voru þeir að fikta við að kveikja í bensíni en misstu tök á eldinum sem magnaðist.
Var því þarna um að ræða fikt sem fór úr böndunum.
Málið telst upplýst.