2 Maí 2011 12:00
Eftir hádegi í dag, mánudag, var ökumaður bifhjóls stöðvaður á Suðurlandsvegi á vegakafla á milli hraðaeftirlitsmyndavéla í Ölfusi er ökumaður bifhjólsins ók vestur Suðurlandsveg á 181 km hraða miðað við klukkustund. Ökumaður sinnti strax stöðvunarmerkjum lögreglu. Hann var boðaður á lögreglustöð þar sem hann var yfirheyrður og að því loknu sviptur ökurétti til bráðabirgða. Hald var lagt á bifhjólið á meðan rannsókn stendur yfir og í framhaldi verður tekin ákvörðun hvort gerð verði krafa um upptöku á bifhjólinu.